° °

આજનું ઇ-પેપર
Wednesday, 05 October, 2022


રક્ષાબંધનનું મુરત ચુકાવશે ટપાલીઓ

11 August, 2022 10:11 AM IST | Mumbai
Umesh Deshpande | umesh.deshpande@mid-day.com

કેમ કે મંગળવારે રજા હતી અને ગઈ કાલે તેમની હડતાળ હતી : પોસ્ટ-ઑફિસમાં છે રાખડીઓ જૅમ : આ ઉપરાંત તેમને તિરંગાના વિતરણની વધારાની કામગીરી પણ સોંપવામાં આવી

ખાનગીકરણના વિરોધમાં ગઈ કાલે દેશવ્યાપી પોસ્ટ-યુનિયનોની હડતાળને કારણે દાદરની પોસ્ટ-ઑફિસ બંધ રહી હતી. (તસવીર : આશિષ રાજે)

ખાનગીકરણના વિરોધમાં ગઈ કાલે દેશવ્યાપી પોસ્ટ-યુનિયનોની હડતાળને કારણે દાદરની પોસ્ટ-ઑફિસ બંધ રહી હતી. (તસવીર : આશિષ રાજે)

ખાનગીકરણના વિરોધમાં ગઈ કાલે મહારાષ્ટ્ર સહિત દેશભરનાં પોસ્ટ-યુનિયનો દ્વારા હડતાળ પાડવામાં આવી હતી અને મંગળવારે મોહરમની જાહેર રજા હતી. આ બધાને કારણે ઘણી બહેનોએ પોતાના ભાઈઓને પોસ્ટ દ્વારા મોકલેલી રાખડીઓ પોસ્ટ-ઑફિસનાં પાર્સલોમાં પડી રહેવાની ફરિયાદો ઊઠી છે. સોમવાર સાંજ બાદ રાખડીઓનું વિતરણ બંધ થયું છે. આજે રક્ષાબંધન હોવાથી જે બહેનોએ સામાન્ય પોસ્ટ દ્વારા રાખડી મોકલી હશે તેમના ભાઈઓના હાથ ખાલી જ રહે એવી ભારોભાર શક્યતા છે.

બહેનોએ દસ દિવસ પહેલાં મોકલેલી રાખડી હજી સુધી ભાઈઓના ઘરે પહોંચી શકી નથી. આ વિશે પોસ્ટ-ઑફિસમાં તપાસ કરતાં ખબર પડી કે ખાનગીકરણના વિરોધમાં ગઈ કાલે પોસ્ટ-ઑફિસના ક્લર્ક કક્ષાના કર્મચારીઓએ રજા પાડી હતી. હડતાળ પર જનારા કર્મચારીઓનું કહેવું હતું કે આ તો માત્ર સાંકેતિક હડતાળ હતી, આંદોલનને હજી વધારે ઉગ્ર બનાવવામાં આવશે. હડતાળને કારણે ગઈ કાલે સ્પીડ પોસ્ટ, રજિસ્ટર, તિરંગાના વિતરણ તેમ જ પોસ્ટના વિતરણની કામગીરી પ્રભાવિત થઈ હતી.

દેશભરમાં હાલ હર ઘર તિરંગા કાર્યક્રમ અંતર્ગત લોકો પોતાનાં ઘરો, ઑફિસ તેમ જ કાર્યાલય પર તિરંગો ફરકાવી શકશે. તિરંગાના વેચાણની કામગીરી દેશભરની પોસ્ટ-ઑફિસોને સોંપવામાં આવી છે. જોકે એની અસર રાખડીની પોસ્ટના વિતરણ પર પડી છે. મુંબઈના કેટલાક પોસ્ટમેનને આ વિશે પૂછતાં તેમણે કહ્યું કે રક્ષા બંધનની પહેલાંના દિવસોમાં આમ પણ સામાન્ય દિવસો કરતાં વધારે પોસ્ટ આવે છે. ઉપરાંત આ વખતે તેમને પોસ્ટ ઉપરાંત રાષ્ટ્રધ્વજ પણ સાથે લઈ જવા માટે જણાવવામાં આવ્યું છે જેથી કોઈ વ્ય​ક્તિ માગે તો તેને પચીસ રૂપિયાનો એક પ્રમાણે ઝંડો આપી શકે. પોસ્ટના એક અધિકારીને આ વિશે પૂછતાં તેમણે કહ્યું કે ‘એક પોસ્ટમૅન સામાન્ય રીતે ૨૦૦ પોસ્ટનું વિતરણ કરી શકે છે. હાલ તેની પાસે ૧૦૦૦ પોસ્ટ છે જેથી ૮૦૦ પોસ્ટ તો એમ જ પડી રહેવાની. મોટાં-મોટાં પાર્સલોને તો હાલ ખોલવાની જ ના પાડી દીધી છે.’

આ બાબતે જનરલ પોસ્ટ ઑફિસના ચીફ પોસ્ટ માસ્ટર જનરલ વીણા શ્રીનિવાસ સાથે વાત કરવાની કોશિશ કરવા છતાં તેઓ મળી નહોતા શક્યા.

11 August, 2022 10:11 AM IST | Mumbai | Umesh Deshpande

અન્ય લેખો

મુંબઈ સમાચાર

આઉટિંગ ઍટ એની કૉસ્ટ

મોહરમ, રક્ષાબંધન, સ્વતંત્રતા દિવસ, જન્માષ્ટમીની રજાઓ અને એમાં શનિવાર અને રવિવારને કારણે લાંબું વેકેશન મળી ગયું હોવાથી લોકોના ફરવાના ક્રેઝમાં જબરો વધારો જોવા મળ્યો છે અને તેઓ ગમે એમ ફરવા જવા તૈયાર થયા છે ત્યારે મુંબઈના ટ્રાવેલિંગ એજન્ટોનું શું કહે છે?

12 August, 2022 11:04 IST | Mumbai | Rohit Parikh
મુંબઈ સમાચાર

ઑનલાઈન ડેટિંગ સાઈટ પર શોધી બહેન, પોતાને ધન્ય માને છે આ શખ્સ

કેટલાક લોકો આવી સાઈટ્સનો ઉપયોગ ઘર અને દુકાન શોધવા માટે પણ કરતા હોય છે. પણ જ્યારે તમને ખબર પડે કે ડેટિંગ એપ પરથી આ છોકરાએ પોતાની માટે બહેન શોધી છે એ સાંભળીને તમે ચોક્કસ અચંબામાં પડી જશો. 

11 August, 2022 12:04 IST | Mumbai | Gujarati Mid-day Online Correspondent
મુંબઈ સમાચાર

ડોમ્બિવલીની સ્કૂલોનાં બાળકોએ કરી રક્ષાબંધનની અનોખી ઉજવણી

૧૬ સ્કૂલોના વિદ્યાર્થીઓ દ્વારા બનાવવામાં આવેલી ૨૬૦૦ રાખડી આસામ રેજિમેન્ટના જવાનોને મોકલવામાં આવી

08 August, 2022 12:49 IST | Mumbai | Mehul Jethva

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK