° °

આજનું ઇ-પેપર
Thursday, 19 May, 2022


૨૦૨૧માં રેલવેએ ૧૫,૦૦૦થી વધુ ગેરકાયદે ટિકિટ જપ્ત કરીને ૭૩૪ લોકોની કરી ધરપકડ

19 January, 2022 11:28 AM IST | Mumbai
Rajendra B Aklekar

અધિકૃત આઇઆરસીટીસી એજન્ટ્સ પણ ટિકિટ જારી કરવા માટે બનાવટી આઇડી અને ગેરકાયદે સૉફ્ટવેરનો ઉપયોગ કરતા હતા અને નિર્દોષ પૅસેન્જરો પાસેથી વધુ પૈસા પડાવતા હતા

અંધેરી સ્ટેશન પર ટિકિટ ખરીદવા રાહ જોઈ રહેલા પૅસેન્જરો

અંધેરી સ્ટેશન પર ટિકિટ ખરીદવા રાહ જોઈ રહેલા પૅસેન્જરો

ગેરકાયદે સૉફ્ટવેર, બનાવટી આઇડી અને બિનઅધિકૃત દલાલી થકી ૨૦૨૧માં ૨.૧૫ કરોડ રૂપિયાની ૧૫,૨૬૩ કરતાં વધુ રેલવે-ટિકિટના ગોટાળાના મામલે ૬૮૪ કેસ નોંધાયા હતા, જેને પગલે ૭૩૪ વ્યક્તિની ધરપકડ કરવામાં આવી હતી.
વેસ્ટર્ન રેલવેના ચીફ પબ્લિક રિલેશન્સ ઑફિસર સુમીત ઠાકુરે જણાવ્યું હતું કે ‘રેલવે પોલીસ દળે બિનઅધિકૃત દલાલો સામે તપાસ આદરવા માટે પોતાના ડિવિઝન, સાઇબર સેલ અને આરપીએફ ક્રાઇમ બ્રાન્ચની ડિટેક્ટિવ વિંગના સમર્પિત સ્ટાફ સાથે સ્પેશ્યલ ટીમની રચના કરી હતી. દલાલો બનાવટી ઓળખપત્રોથી ટિકિટ બુક કરાવતા હોવાનું ધ્યાન પર આવ્યું હતું. કેટલાક અધિકૃત આઇઆરસીટીસી એજન્ટ્સ પણ ટિકિટ જારી કરવા માટે બનાવટી આઇડી અને ગેરકાયદે સૉફ્ટવેરનો ઉપયોગ કરતા હતા અને નિર્દોષ પૅસેન્જરો પાસેથી વધુ પૈસા પડાવતા હતા.’
તેમણે વધુમાં ઉમેર્યું હતું, ‘મેક, એનજીઈટી, રેડ બુલ, એએનએમએસ, ડેલ્ટા અને આધાર સહિતનાં ઘણાં ગેરકાયદે સૉફ્ટવેર અને ટર્બો એક્સટેન્શન જેવાં ગેરકાયદે એક્સટેન્શન્સ ટ્રૅક કરીને સાઇબર પૅટ્રોલિંગ દ્વારા તેમનો નાશ કરવામાં આવ્યો હતો. આ સૉફ્ટવેર અને એક્સટેન્શન્સનો ઉપયોગ કરનારા દલાલોની ધરપકડ કરીને તેમની સામે કાર્યવાહી કરવામાં આવી છે.’
એક અધિકારીએ જણાવ્યું હતું કે ‘આ કાર્યવાહીમાં ઈ-ટિકિટ્સ તથા પ્રવાસની રિઝર્વ ટિકિટો જપ્ત કરવામાં આવી છે. ૨૦૨૧માં વેસ્ટર્ન રેલવેના આરપીએફે દલાલીના ૬૮૪ કેસમાં ૭૩૪ વ્યક્તિની ધરપકડ કરીને આશરે ૨.૧૫ કરોડ રૂપિયાની કુલ ૧૫,૨૬૩ ટિકિટો જપ્ત કરી હતી. દલાલો સામેની કાર્યવાહીની આવી નિયમિત ઝુંબેશ ઉપરાંત વેસ્ટર્ન રેલવેના આરપીએફે લોકોને ગેરકાનૂની દલાલોથી ચેતવવા માટે ઘણાં જાગૃતિ અભિયાનો પણ હાથ ધર્યાં છે.’ 
અંતમાં તેમણે જણાવ્યું હતું કે ‘આવા કૅમ્પેનનો હેતુ લોકોને રેલવે ઍક્ટની કલમ ૧૪૩ની કાનૂની જોગવાઈઓ વિશે સમજૂતી આપવાનો અને દલાલો પાસેથી ટિકિટ કે ઈ-ટિકિટ ખરીદવાના પરિણામની જાણકારી આપવાનો છે.’

19 January, 2022 11:28 AM IST | Mumbai | Rajendra B Aklekar

અન્ય લેખો

મુંબઈ સમાચાર

હવે શરૂ થશે માથેરાનની ટ્રેનનું ઑનલાઇન બુકિંગ

સુપ્રીમ કોર્ટે ઈ-રિક્ષાની ટ્રાયલ શરૂ કરવાની પરવાનગી તથા સ્થાનિક નગરપાલિકાએ મિની બસ શરૂ કરવાની જાહેરાત કર્યા બાદ સહેલાણીઓને મળશે વધુ એક ગિફ્ટ

17 May, 2022 11:10 IST | Mumbai | Rajendra B Aklekar
મુંબઈ સમાચાર

સેન્ટ્રલની જેમ હવે વેસ્ટર્ન રેલવે પર પણ વધશે એસી લોકલની સર્વિસ

જ્યારે હાર્બર લાઇન પર એસી લોકલની સર્વિસ હાલ પૂરતી બંધ કરવામાં આવી છે

13 May, 2022 10:55 IST | Mumbai | Gujarati Mid-day Correspondent
મુંબઈ સમાચાર

મોળો ​પ્રતિસાદ મળતાં હાર્બર લાઇનની એસી સર્વિસ થશે બંધ

હાર્બરની એસી લોકલ સેવા બંધ થતાં સેન્ટ્રલની મેઇન લાઇનમાં એસી લોકલનો વધારો થશે

11 May, 2022 07:56 IST | Mumbai | Priti Khuman Thakur

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK