રાજ્યમાં એકસાથે પચાસથી વધુ IPS અધિકારીઓની બદલી
મનોજ કુમાર શર્મા
મહારાષ્ટ્ર સરકારે શુક્રવારે રાજ્યના પોલીસફોર્સમાં મોટો ફેરફાર કરતાં પચાસથી વધુ ઇન્ડિયન પોલીસ સર્વિસ (IPS) અધિકારીઓની બદલી અને બઢતીના આદેશ આપ્યા છે. આ ફેરબદલમાં મુંબઈ પોલીસનાં અનેક મહત્ત્વનાં પદો પર નવા અધિકારીઓની નિમણૂક કરવામાં આવી છે.
આ બદલીઓમાં સૌથી વધુ ચર્ચા ૨૦૦૫ના બૅચના IPS અધિકારી મનોજ કુમાર શર્માની છે, જેમના જીવનસંઘર્ષ પરથી લોકપ્રિય ફિલ્મ ‘12th Fail’ બની છે. મનોજ શર્માને હવે મુંબઈ પોલીસના જૉઇન્ટ કમિશનર (લૉ ઍન્ડ ઑર્ડર) તરીકે નિયુક્ત કરવામાં આવ્યા છે. અગાઉ તેઓ મુંબઈમાં DCP ઝોન-૧ અને ઍડિશનલ કમિશનર તરીકે સેવા આપી ચૂક્યા છે.
સત્યનારાયણ ચૌધરીની જૉઇન્ટ કમિશનર ઓફ પોલીસ (CP) (લૉ ઍન્ડ ઑર્ડર)માંથી બદલી કરીને તેમને જૉઇન્ટ CP (ટ્રાફિક) બનાવવામાં આવ્યા છે. અનિલ કુંભારેને જૉઇન્ટ CP (ટ્રાફિક)માંથી હવે જૉઇન્ટ CP (લૉ ઍન્ડ ઑર્ડર) બનાવવામાં આવ્યા છે.
ADVERTISEMENT
મુંબઈના જૉઇન્ટ CP (ક્રાઇમ) લખમી ગૌતમની મહારાષ્ટ્ર રાજ્યના સ્પેશ્યલ ઇન્સ્પેક્ટર જનરલ (IGP) તરીકે બદલી કરવામાં આવી છે. આ ઉપરાંત ૨૦૦૩ના બૅચના રાજેશ પ્રધાન મુંબઈ પોલીસની ઇકૉનૉમિક ઑફેન્સિસ વિંગ (EOW)ના વડા હશે.
