મારા વિસ્તારના વિધાનસભ્યને પસંદ કરવાનો આ મોકો હું જવા દેવા નહોતી માગતી
ધનુબહેન ડોડિયા
મીરા રોડના પૂનમસાગર કૉમ્પ્લેક્સમાં રહેતાં ૬૫ વર્ષનાં ધનુબહેન ડોડિયાના પગના ગોઠણનું ચાર દિવસ પહેલાં જ ઑપરેશન કરવામાં આવ્યું હતું. પગમાં સખત દુખાવો થતો હોવા છતાં તેઓ પુત્રવધૂ સાથે ગઈ કાલે મીરા રોડના શાંતિનગર સ્કૂલના મતદાનકેન્દ્રમાં પહોંચ્યાં હતાં અને મત આપ્યો હતો. તેમણે ‘મિડ-ડે’ને કહ્યું હતું કે ‘પગનો દુખાવો થોડા સમયમાં ઓછો થઈ જશે, પણ મત આપવાનો મોકો પાંચ વર્ષ પછી મળશે. મારા વિસ્તારના વિધાનસભ્યને પસંદ કરવાનો આ મોકો હું જવા દેવા નહોતી માગતી એટલે રિક્ષામાં જેમતેમ બેસીને મતદાનકેન્દ્રમાં વૉકર લઈને પહોંચી અને પુત્રવધૂની મદદથી મત આપ્યો.’
