° °

આજનું ઇ-પેપર
Sunday, 01 August, 2021


ટીચર્સને એચએસસીના રિઝલ્ટનું કામ પતાવવા જોઈએ છે વધુ સમય

22 July, 2021 09:17 AM IST | Mumbai | Pallavi Smart

ભારે વરસાદ તેમ જ બોર્ડના સર્વરને લગતી સમસ્યાને લીધે એચએસસીના  રિઝલ્ટનું કામ વિલંબમાં પડ્યું હોવાથી સમયમર્યાદા લંબાવવાની કરી માગણી 

એસએસસી અને એચએસસીના કેટલાક વિદ્યાર્થીઓએ એપ્રિલમાં બોર્ડની પરીક્ષાઓ વિરુદ્ધ દાદરમાં વિરોધ કર્યો હતો.  ફાઇલ

એસએસસી અને એચએસસીના કેટલાક વિદ્યાર્થીઓએ એપ્રિલમાં બોર્ડની પરીક્ષાઓ વિરુદ્ધ દાદરમાં વિરોધ કર્યો હતો. ફાઇલ

સમગ્ર રાજ્યમાં ભારે વરસાદ તેમ જ રાજ્યના બોર્ડના સર્વરને લગતી સમસ્યાને લીધે એચએસસીના રિઝલ્ટનું કામ વિલંબમાં પડ્યું છે અને હવે ટીચર્સે રિઝલ્ટ સબમિટ કરવાની સમયમર્યાદા વધારવાની માગણી કરી છે. પહેલાં રિઝલ્ટ સબમિટ કરવાની તારીખ ૨૧ જુલાઈ ઠરાવાઈ હતી, જે પછીથી લંબાવીને ૨૩ જુલાઈ કરવામાં આવી હતી. જોકે હવે ટીચર્સે સમયમર્યાદા લંબાવવાની માગણી કરી છે. 
મહારાષ્ટ્ર સ્ટેટ ફેડરેશન ઑફ જુનિયર કૉલેજ ટીચર્સ ઑર્ગેનાઇઝેશનના કો-ઑર્ડિનેટર પ્રોફેસર મુકુંદ અંધાલકરે ‘મિડ-ડે’ને જણાવ્યું હતું કે ‘મોટા ભાગની સમસ્યા ભારે વરસાદને કારણે થઈ છે. મંગળવાર રાતથી સર્વરમાં ટેક્નિકલ ઇશ્યુ હોવાથી ટીચર્સને માર્ક્સ અપલોડ કરવામાં સમસ્યા થતાં નિર્દિષ્ટ સમયમર્યાદામાં કામ પૂર્ણ કરવું અશક્ય બનતાં ઑર્ગેનાઇઝેશને ડેડલાઇન લંબાવવાની માગણી કરી હતી.’
મુંબઈ અને થાણે જેવા શહેરી વિસ્તારોમાં જ્યાં પરિવહનની સમસ્યાઓ વધુ છે ત્યાં ટીચર્સને રિઝલ્ટ અપલોડ કરવાના સ્થળે પહોંચવામાં સમસ્યા થાય છે. આ ઉપરાંત ઇન્ટરનેટ કનેક્શનની સમસ્યા પણ મહત્ત્વનો ભાગ ભજવે છે. મંગળવારે રાતથી રાજ્ય બોર્ડનું સર્વર ડાઉન હતું, જે શિક્ષકોએ ફરિયાદ કર્યા બાદ ગઈ કાલે બપોરે ફરી શરૂ થતાં ૨૩ જુલાઈ સુધીમાં રિઝલ્ટ જાહેર કરવું અશક્ય બન્યું હતું. મુંબઈના કુલ ત્રણ લાખ સ્ટુડન્ટ્સમાંથી એક લાખ સ્ટુડન્ટના માર્ક સર્વરમાં અપલોડ કરવાના બાકી છે  અને સમગ્ર મહારાષ્ટ્રની વાત કરીએ તો ૧૩ લાખમાંથી પાંચ લાખ સ્ટુડન્ટનાં રિઝલ્ટ અપલોડ કરવાનાં બાકી છે. 
જોકે મહારાષ્ટ્ર સ્ટેટ બોર્ડના સેક્રેટરી દિનકર પાટીલે જણાવ્યા મુજબ રિઝલ્ટનું ૮૨ ટકા જેટલું કામ પૂર્ણ થઈ ચૂક્યું છે અને બાકીનું ૧૮ ટકા કાર્ય નિર્દિષ્ટ સમયમર્યાદામાં પૂરું થઈ શકે એમ હોવાથી ડેડલાઇન લંબાવવાની આવશ્યકતા નથી. 

22 July, 2021 09:17 AM IST | Mumbai | Pallavi Smart

અન્ય લેખો

મુંબઈ સમાચાર

બે પોલીસ લાંચ લેતી વખતે પકડાયા

સિનિયર ઇન્સ્પેક્ટર જયરાજ છપારિયા અને કૉન્સ્ટેબલ ઇકબાલ શેખની પ્રિવેન્શન ઑફ કરપ્શન ઍક્ટ હેઠળ ધરપકડ કરાઈ હોવાનું એસીબીએ યાદીમાં જણાવ્યું હતું.

31 July, 2021 12:44 IST | Mumbai | Gujarati Mid-day Correspondent
મુંબઈ સમાચાર

મહિલા આઇપીએસ અધિકારી મફતમાં બિરયાની મગાવતાં હોવાની ક્લિપ વાઇરલ થતાં હોબાળો

ગૃહપ્રધાન દિલીપ વળસે પાટીલે કમિશનરને તપાસ કરીને રિપાર્ટ સબમિટ કરવાનો આદેશ આપ્યો : મહિલા અધિકારીએ તેમની ખિલાફ કાતવરું હોવાનો દાવો કર્યો

31 July, 2021 12:42 IST | Mumbai | Gujarati Mid-day Correspondent
મુંબઈ સમાચાર

100 crore recovery case: ક્યાં છે અનિલ દેશમુખ? ઈડી દ્વારા દેશમુખને ચોથું સમન્સ

100 કરોડ વસુલી મામલે ઈડીએ ચોથી વખત અનિલ દેશમુખને અને તેના પુત્રમે સમન્સ પાઠવ્યું છે. આ અગાઉ ત્રણ વાર સમન્સ પાઠવવામાં આવ્યું હોવા છતાં અનિલ દેશમુખ એખ વાર પર ઈડી સમક્ષ હાજર થયા નથી.

31 July, 2021 12:44 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK