ટીનેજ દીકરીના બાળકને મમ્મીએ જ ૪૦,૦૦૦ રૂપિયામાં વેચી દીધું

દિંડોશી પોલીસ-સ્ટેશન સાથે જોડાયેલી એક મહિલા પોલીસ-કૉન્સ્ટેબલના ૮ વર્ષના પુત્રનું બુધવારે રાત્રે વનરાઈ પોલીસ ક્વૉર્ટર્સના પરિસરમાં રમતી વખતે સિમેન્ટની બેન્ચ તૂટી પડતાં કરુણ મોત થયું છે. બાળકની ઓળખ રાજવીર કાળે તરીકે થઈ છે. તે રાત્રે આશરે ૯.૩૦ વાગ્યે પોલીસ ક્વૉર્ટર્સના પરિસરમાં બેસવા માટે મુકાયેલી સિમેન્ટની બેન્ચ પર રમી રહ્યો હતો ત્યારે અચાનક બેન્ચ તૂટી પડી હતી, જેમાં તે ગંભીર રીતે ઈજાગ્રસ્ત થયો હતો.

આ ઘટના બનતાં જ સ્થાનિક રહીશો અને પોલીસ બાળકને તાત્કાલિક સારવાર માટે ટ્રૉમા કૅર હૉસ્પિટલમાં લઈ ગયા હતા. જોકે ત્યાં ફરજ પરના ડૉક્ટરે તેને તપાસીને મૃત જાહેર કર્યો હતો.

વૃદ્ધોને જૂની ઓળખ બતાવીને દાગીના અને રોકડ પડાવતો શાતિર પકડાયો

વૃદ્ધો તથા સામાન્ય મહિલાઓ અને પુરુષોને જૂની ઓળખ હોવાનું નાટક કરીને, વાતોમાં પરોવીને તેમની પાસેથી સોનાના દાગીના અને રોકડ રકમ ચોરી લેતા ૩૭ વર્ષના દિનેશ મંચેકરની ઉલ્હાસનગર ક્રાઇમ બ્રાન્ચ યુનિટ 4ની ટીમે ઝડપી પાડ્યો છે. બદલાપુર-વેસ્ટ પોલીસ-સ્ટેશનમાં નોંધાયેલા ગુનાની સમાંતર તપાસ દરમ્યાન મળેલા ટેક્નિકલ ઇનપુટ્સ અને બાતમીના આધારે આરોપીની રવિવારે ધરપકડ કરવામાં આવી છે. આ આરોપી પોતાના સાથીદારો સાથે મળીને જાહેર રસ્તાઓ પર લોકો સાથે નકલી ઓળખ અને જૂની યાદો તાજી કરીને છેતરપિંડીથી તેમના દાગીના પડાવી લેતો હતો.
ઉલ્હાસનગર ક્રાઇમ બ્રાન્ચ યુનિટ 4ના એક સિનિયર અધિકારીએ ‘મિડ-ડે’ને કહ્યું હતું કે ‘કસ્ટડી દરમ્યાન હાથ ધરાયેલી સઘન પૂછપરછમાં આખા થાણેમાં નોંધાયેલા કુલ ૧૭ ગુનાઓનો ભેદ ઉકેલાયો છે. આરોપી પાસેથી આશરે ૨૪,૨૪,૦૦૦ રૂપિયાની કિંમતના ૨૧૨ ગ્રામ સોનાના દાગીના પણ જપ્ત કરવામાં આવ્યા છે. તપાસમાં બહાર આવ્યું છે કે આ ગુનાઓમાં તેના અન્ય બે સાથીદારો સુદેશ ઉર્ફે બાબુ તાનાજી મ્હાલે અને બાબુ મંચેકર પણ સામેલ હતા. તેમને પકડવા માટે હાલ વધુ તપાસ હાથ ધરવામાં આવી છે. આ સમગ્ર ટોળકી સામે CCTV કૅમેરાનાં ફુટેજ અને અન્ય ટેક્નિકલ પુરાવા પણ પ્રાપ્ત થયા છે. આરોપી દિનેશ મંચેકરનો ભૂતકાળ પણ ગુનાહિત રહ્યો છે. તેના પર અગાઉ લૂંટ, ચોરી, છેતરપિંડી અને વિનયભંગ જેવા મુંબઈમાં ૨૦, નવી મુંબઈમાં એક, મીરા-ભાઈંદરમાં બે અને થાણે મળીને કુલ ૨૯ ગંભીર ગુનાઓ નોંધાયેલા છે. આ ઉપરાંત ઘાટકોપર પોલીસ-સ્ટેશનના બે ગુનાઓમાં પણ તે વૉન્ટેડ હતો.’