° °

આજનું ઇ-પેપર
Monday, 29 November, 2021


સેવાના નામે હાથસફાઈ?

20 October, 2021 11:55 AM IST | Mumbai | Gujarati Mid-day Correspondent

ગિરગામમાં રહેતા ગુજરાતી સિનિયર સિટિઝનની સેવા કરવા માટે રાખવામાં આવેલા નોકરની તેમના જ ઘરમાંથી સોનાની ચાર બંગડી ચોરવાના આરોપસર ધરપકડ

પ્રતીકાત્મક તસવીર

પ્રતીકાત્મક તસવીર

ગિરગામ વિસ્તારમાં રહેતા એક ગુજરાતી પરિવારમાં સિનિયર સિટિઝનની સેવા માટે એક નોકર રાખ્યો હતો. એ નોકરે માલિકની સેવા તો કરી જ, પણ સાથે તેમના કબાટમાં પડેલી સોનાની ચાર બંગડીઓ પણ ચોરી કરી હતી. વીપી રોડ પોલીસે ઘટનાની ફરિયાદ નોંધીને તપાસ હાથ ધરી છે. પોલીસે નોકરની પણ ધરપકડ કરી હતી. જોકે છેલ્લા ચાર દિવસથી તેની પૂછપરછ કરવા છતાં તેણે પોતાનો ગુનો કબૂલ કર્યો નહોતો.
ગિરગામ વિસ્તારમાં વીપી રોડ પોલીસ સ્ટેશનની બાજુમાં આવેલા પારસી નગર-એકમાં રહેતા ફરિયાદી ચંદ્રકાત શાહે પોલીસને જણાવ્યું હતું કે ‘પારસી નગર-બેમાં તેમનાં માતા-પિતા રહે છે. બન્ને સિનિયર સિટિઝન હોવાથી ઘરનાં કામ માટે અમે વિશ્વેશ્વર યાદવ નામનો નોકર રાખ્યો છે. ૧૪ ઑક્ટોબરે મારી માતાએ કબાટમાં પડેલી બંગડીઓ પહેરવા કાઢી હતી. ત્યાર પછી એ જ દિવસે પાછી મૂકી દીધી હતી. એ સમયે નોકર વિશ્વેશ્વરનું ધ્યાન બંગડી પર જ હતું. બીજા દિવસે સાંજના મમ્મીએ બંગડી પહેરવા કબાટ ખોલ્યું હતું, પરંતુ બંગડી ત્યાંથી ગાયબ થઈ હોવાની મમ્મીને ખબર પડી હતી. ત્યાર પછી આખા ઘરમાં શોધતાં બંગડીઓ ક્યાંય જડી નહોતી. જ્યારે બંગડીઓ કાઢી અને મૂકી હતી ત્યારે નોકર વિશ્વેશ્વરે એના પર નજર રાખી હતી. બંગડી બાબતે વિશ્વેશ્વરને પૂછપરછ કરતાં તેણે બંગડી જોઈ જ નથી એવું અમને જણાવ્યું હતું. એ પછી વીપી રોડ પોલીસ સ્ટેશનમાં બંગડી ચોરી થઈ હોવાની ફરિયાદ નોંધાવી હતી.’
વીપી રોડ પોલીસ સ્ટેશનના તપાસ અધિકારી શિવાજી બોરશેએ ‘મિડ-ડે’ને કહ્યું હતું કે ‘અમે ફરિયાદ નોંધીને તપાસ હાથ ધરી છે. આ કેસમાં અમે ફરિયાદીના કહેવા પર તેના નોકરની પણ ધરપકડ કરી છે. જોકે નોકરનું કહેવું છે કે તેણે ચોરી કરી જ નથી. બીજી બાજુ ફરિયાદીનું એવું કહેવું છે કે જ્યારે બંગડીઓ ગાયબ થઈ એ દરમ્યાન નોકર સિવાય બીજું કોઈ ઘરમાં આવ્યું જ નથી તો બંગડી જાય ક્યાં? વધુ તપાસ ચાલી રહી છે.’ 

20 October, 2021 11:55 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

100 કરોડ રિકવરી કેસઃ પરમબીર સિંહ વિરુદ્ધ જારી જામીનપાત્ર વોરન્ટ રદ, જાણો વિગત

મુંબઈના પૂર્વ પોલીસ કમિશ્નર પરમબીર સિંહ સોમવારે મહારાષ્ટ્રના પૂર્વ ગૃહપ્રધાન અનિલ દેશમુખ વિરુદ્ધ ભ્રષ્ટાચારના આક્ષેપોની તપાસ કરી રહેલા ચાંદીવાલ આયોગ સમક્ષ હાજર થયા હતાં.

29 November, 2021 08:06 IST | mumbai | Gujarati Mid-day Online Correspondent
મુંબઈ સમાચાર

મહિલાએ મંત્રાલયની બહાર આત્મહત્યા કરવાનો પ્રયાસ કર્યો, પોલીસે બચાવી જાન

તેણીએ પોતાના પર કેરોસીન રેડ્યું હતું અને જ્યારે તેણી આગ ચાંપવાની હતી ત્યારે અને તેને સલામત સ્થળે લઈ જવામાં આવી હતી.

29 November, 2021 08:15 IST | Mumbai | Gujarati Mid-day Online Correspondent
મુંબઈ સમાચાર

ડ્રગ-પેડલર અજમલ તોતલાને મુંબઈ પોલીસે ઝડપી લીધો

મહારાષ્ટ્રના પ્રધાન નવાબ મલિકે તાજેતરમાં એક પત્રકાર પરિષદ દરમિયાન અજમલ અને એક મહિલા ડ્રગ-પેડલર રુબિના નિયાઝુ શેખનો ઉલ્લેખ કર્યો હતો.

29 November, 2021 01:02 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK