° °

આજનું ઇ-પેપર
Wednesday, 05 October, 2022


દિલ્હીમાં ફરી માસ્ક પહેરવું ફરજિયાત, ન પહેરવા પર થશે 500 રૂપિયાનો દંડ, જાણો વિગત

11 August, 2022 01:46 PM IST | New Delhi
Gujarati Mid-day Online Correspondent | gmddigital@mid-day.com

બુધવારે રાજધાનીમાં કોરોના સંક્રમણના 2,146 કેસ નોંધાયા હતા

પ્રતીકાત્મક તસવીર

પ્રતીકાત્મક તસવીર

દિલ્હીમાં કોરોનાના સતત વધી રહેલા કેસને જોતા દિલ્હી સરકારે રાજ્યમાં જાહેર સ્થળોએ માસ્ક પહેરવાનું ફરજિયાત બનાવ્યું છે. હવે જાહેર સ્થળોએ માસ્ક ન પહેરવા પર 500 રૂપિયાના દંડની જોગવાઈ કરવામાં આવી છે. ખાનગી કારમાં મુસાફરી કરતી વખતે આ નિયમ લાગુ થશે નહીં.

બુધવારે રાજધાનીમાં કોરોના સંક્રમણના 2,146 કેસ નોંધાયા હતા. આ સાથે જ સંક્રમણને કારણે આઠ દર્દીઓનાં મોત પણ થયા છે. રાજધાનીમાં સંક્રમણનો દર વધીને 17.83 થઈ ગયો છે. તે જ સમયે, સક્રિય દર્દીઓની સંખ્યા વધીને 8205 થઈ ગઈ છે. બીજી તરફ, દિલ્હીમાં ઝડપથી ફેલાતા કોરોના પાછળ ઓમિક્રોનનું નવું સબ-વેરિઅન્ટ BA 2.75 છે.

લોક નાયક હોસ્પિટલના મેડિકલ ડિરેક્ટર ડૉ સુરેશ કુમારે એક મીડિયા હાઉસેને જણાવ્યું હતું કે “ઓમિક્રોનનું નવું સબ-વેરિઅન્ટ લોકોને ઝડપથી સંક્રમિત કરી રહ્યું છે. આ પેટા વેરિઅન્ટ કોરોના રસી મેળવનાર લોકોને પણ ચેપ લગાવી શકે છે. જો કે આ મામલે હજુ વધુ માહિતીની રાહ જોવાઈ રહી છે.

ડૉ. સુરેશે જણાવ્યું કે, કોરોનાના કેસમાં ઘટાડાની સાથે લોકોએ કોવિડ પ્રોટોકોલને અનુસરવાનું ઓછું કર્યું છે. તે ન થવું જોઈએ. તેમણે કહ્યું કે કેસ વધી રહ્યા છે, પરંતુ તેમાં ઓછા ગંભીર લક્ષણો છે. ડાયાબિટીસ, હાર્ટ, ટીબી જેવી ગંભીર બીમારીઓથી પીડિત લોકોને ઘણું જોખમ છે.” તેમણે કહ્યું કે “કોરોના હજી પૂરો થયો નથી, જે લોકો ત્રણ મહિના પહેલાં સંક્રમિત થયા હતા તેઓ ફરી કોવિડ સંક્રમિત થઈ રહ્યા છે.

11 August, 2022 01:46 PM IST | New Delhi | Gujarati Mid-day Online Correspondent

અન્ય લેખો

રાષ્ટ્રીય સમાચાર

ઉત્તરાખંડમાં દશેરાના દિવસે દહેશત, જાનૈયાઓથી ભરેલી બસ ખીણમાં ખાબકતાં 25ના મોત

ઉત્તરાખંડ (Uttarakhand)ના પૌડી ગઢવાલ જિલ્લામાં મંગળવારે મોડી સાંજે જાનૈયાઓથી ભરેલી બસ 500 મીટર ઊંડી ખીણમાં પડી ગઈ હતી.

05 October, 2022 12:37 IST | uttarakhand | Gujarati Mid-day Online Correspondent
રાષ્ટ્રીય સમાચાર

જમ્મુમાં ટૉપ પોલીસ ઑફિસરની હત્યા, સંજોગ કે આતંકવાદી કાવતરું?

જમ્મુ-કાશ્મીરમાં જેલોના ઇન્ચાર્જની હત્યા, તેમના નોકરને કસ્ટડીમાં લેવાયો : પોલીસનું કહેવું છે કે આતંકવાદના કનેક્શનના પુરાવા મળ્યા નથી, અમિત શાહની જમ્મુ-કાશ્મીરની મુલાકાત વખતે હુમલો 

05 October, 2022 09:26 IST | Jammu | Gujarati Mid-day Correspondent
રાષ્ટ્રીય સમાચાર

આ પહેલાં ત્રણ પૉલિટિકલ ફૅમિલીઝ જ જમ્મુ-કાશ્મીર પર રાજ કરતી હતી : અમિત શાહ

જમ્મુ-કાશ્મીરમાં વિપક્ષો પર વરસતાં તેમણે જણાવ્યું હતું કે...

05 October, 2022 09:21 IST | Rajouri | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK