પશ્ચિમ બંગાળમાં ૨૮ ફેબ્રુઆરી અને ઉત્તર પ્રદેશમાં ૧૦ એપ્રિલે ફાઇનલ મતદારયાદી જાહેર થશે.
પ્રતીકાત્મક તસવીર
દેશનાં ૮ રાજ્યો અને ૪ કેન્દ્રશાસિત પ્રદેશો સ્પેશ્યલ ઇન્ટેન્સિવ રિવિઝન (SIR) અંતર્ગત ફાઇનલ મતદારયાદી પ્રકાશિત કરવામાં ચૂકી ગયાં હતાં. ચૂંટણીપંચના કહેવા મુજબ કેટલાંક રાજ્યોમાં કામ સમયસર પૂરું નથી થઈ શક્યું. એનું કારણ એ છે કે નિશ્ચિત કાર્યક્રમનું પહેલેથી જ યોગ્ય રીતે પાલન નહોતું કરવામાં આવ્યું. ક્યાંક રાજનીતિક દખલ તો ક્યાંક નીચલા સ્તરે કામકાજમાં ઝડપના અભાવના કારણે પૂરી પ્રક્રિયામાં મોડું થયું છે.
જોકે લક્ષદ્વીપ અને પૉન્ડિચેરીમાં ગઈ કાલે ફાઇનલ મતદારયાદી પ્રકાશિત થઈ ગઈ હતી. ૧૦ રાજ્યો અને કેન્દ્રશાસિત પ્રદેશોમાં ફાઇનલ મતદારયાદી જાહેર કરવાની તારીખ વધારવામાં આવી છે. તામિલનાડુ અને ગુજરાતમાં ૧૭ ફેબ્રુઆરી; આંદામાન-નિકોબાર, કેરલા, છત્તીસગઢ, ગોવા અને રાજસ્થાનમાં ૨૧ ફેબ્રુઆરી; મધ્ય પ્રદેશમાં ૨૩ ફેબ્રુઆરી: પશ્ચિમ બંગાળમાં ૨૮ ફેબ્રુઆરી અને ઉત્તર પ્રદેશમાં ૧૦ એપ્રિલે ફાઇનલ મતદારયાદી જાહેર થશે.
