ઉત્તર પ્રદેશના સ્ટુડન્ટ્સે બનાવ્યું છે ટ્રેનમાં આગની ચેતવણી આપતું ડિવાઇસ રેલસેન્સ

રેલસેન્સ ડિવાઇસ વિકસાવવાનો ખર્ચ આશરે ૧૦,૦૦૦ રૂપિયા છે. હવે નૉર્થ ઈસ્ટર્ન રેલવેએ ટ્રાયલ માટે ડિવાઇસનો ઑર્ડર આપ્યો છે.

પ્રતિકાત્મક ફાઇલ તસવીર

રેલસેન્સ ડિવાઇસ કેવી રીતે કામ કરશે?

ADVERTISEMENT

રેલસેન્સ ડિવાઇસ બે ભાગમાં ડિઝાઇન કરવામાં આવ્યું છે. પહેલો ભાગ ટ્રેનના દરેક વ્હીલ પર ઇન્સ્ટૉલ કરવામાં આવશે, જ્યારે બીજો ભાગ ડ્રાઇવરની સામે એન્જિનમાં ઇન્સ્ટૉલ કરવામાં આવશે. વ્હીલમાં સેન્સર સતત સક્રિય રહેશે અને એન્જિનમાં રીડિંગ ડિવાઇસને વ્હીલ તાપમાન વિશે માહિતી મોકલશે. તાપમાનના આધારે આ ડિવાઇસ ત્રણ પ્રકારનાં સિગ્નલ આપે છે. તાપમાન સામાન્ય હોય ત્યારે લીલી લાઇટ, સામાન્ય કરતાં વધારે હોય ત્યારે બ્લુ લાઇટ અને જ્યારે તાપમાન ૮૦ ડિગ્રી સેલ્સિયસથી વધુ હોય ત્યારે લાલ લાઇટ થશે. લાલ લાઇટ થતાં ડ્રાઇવરને સંભવિત જોખમ વિશે ચેતવણી આપવામાં આવશે અને તે તરત જ ટ્રેનને ધીમી કરી શકે છે અથવા રોકી શકે છે. આ ટેક્નૉલૉજીની અનોખી વિશેષતા એ છે કે તે એ પણ સૂચવશે કે કયા કોચ અને ટ્રેનના કયા વ્હીલમાં સમસ્યા છે. આનાથી ડ્રાઇવરો અને રેલવે-સ્ટાફનો ખામી શોધવાનો અને તાત્કાલિક ઉકેલ લાવવાનો સમય બચશે.

રેલવે ટ્રાયલ માટેની તૈયારીઓ

રેલસેન્સ ડિવાઇસ વિકસાવવાનો ખર્ચ આશરે ૧૦,૦૦૦ રૂપિયા છે. હવે નૉર્થ ઈસ્ટર્ન રેલવેએ ટ્રાયલ માટે ડિવાઇસનો ઑર્ડર આપ્યો છે.