° °

આજનું ઇ-પેપર
Thursday, 28 October, 2021


મોદીને મળેલી ગિફ્ટના ઑક્શનમાં પૅરાલિમ્પિક ઍથ્લીટની વસ્તુઓ પણ‌

18 September, 2021 09:51 AM IST | New Delhi | Gujarati Mid-day Correspondent

પૅરાલિમ્પિક્સમાં ગોલ્ડ જીતનાર શૂટર મનીષ નરવાલનાં ચશ્માંની બોલી પણ ૯૬ લાખ રૂપિયા અને બ્રૉન્ઝ જીતનાર પી. વી. સિંધુના રૅકેટની કિંમત પણ ૯૦ લાખ રૂપિયાને પાર જઈ ચૂકી છે

વડા પ્રધાન નરેન્દ્ર મોદી

વડા પ્રધાન નરેન્દ્ર મોદી

ભારતીય મહિલા હૉકી ટીમની હૉકી સ્ટિક માટે એક કરોડ રૂપિયા બોલી લાગી ચૂકી છે. પૅરાલિમ્પિક્સમાં ગોલ્ડ જીતનાર શૂટર મનીષ નરવાલનાં ચશ્માંની બોલી પણ ૯૬ લાખ રૂપિયા અને બ્રૉન્ઝ જીતનાર પી. વી. સિંધુના રૅકેટની કિંમત પણ ૯૦ લાખ રૂપિયાને પાર જઈ ચૂકી છે. પીએમ મોદીના ૭૧મા જન્મદિવસની ઉજવણી બીજેપી આખા દેશમાં કરી રહી છે. આ પ્રસંગે નરેન્દ્ર મોદીને ગિફ્ટમાં મળેલી વસ્તુઓની ઈ-હરાજી પણ યોજવામાં આવી રહી છે. હરાજીમાં જે વસ્તુઓ મુકાઈ છે એમાં ટોક્યો ઑલિમ્પિકમાં ભારતનુ નામ રોશન કરનાર ખેલાડીઓનાં બૅડ્મિન્ટન રૅકેટ, બૉક્સિંગ ગ્લવ્ઝ અને ભાલા જેવી વસ્તુઓનો સમાવેશ છે. ૭ ઑક્ટોબર સુધી ચાલનારી હરાજીમાં અત્યાર સુધીમાં પૅરાલિમ્પિકમાં ગોલ્ડ મેડલિસ્ટ કૃષ્ણા નાગર અને સિલ્વર મેડલ વિજેતા સુહાસ એલવાઈનાં બૅડ્મિન્ટન રૅકેટ માટે ૧૦ કરોડ રૂપિયાની બોલી લાગી ચૂકી છે. કુલ મળીને ૧૩૦૦ ગિફ્ટની આ હરાજીમાં બોલી બોલાવાની છે. ઑલિમ્પિક્સમાં બ્રૉન્ઝ મેડલ વિજેતા લવલિના બોર્ગોહીનનાં બૉક્સિંગ ગ્લવ્ઝ ૧.૮૦ કરોડ રૂપિયાને પાર ગયાં છે, જ્યારે ગોલ્ડ મેડલિસ્ટ નીરજ ચોપડા જે ભાલો ફેંકીને ગોલ્ડ મેડલ જીત્યો હતો એની અત્યાર સુધી ૧.૨૦ કરોડ રૂપિયાની બોલી લાગી ચૂકી છે. પૅરાલિમ્પિકમાં ગોલ્ડ જીતનાર સુમીત ઍન્ટિલના ભાલાની બોલી ૧ કરોડ રૂપિયા સુધી પહોંચી છે, જ્યારે ટોક્યો ઑલિમ્પિકમાં ભાગ લેનાર ખેલાડીઓના ઑટોગ્રાફવાળી ફ્રેમ માટે પણ અત્યાર સુધી એક કરોડ રૂપિયાની બોલી લાગી ચૂકી છે.

18 September, 2021 09:51 AM IST | New Delhi | Gujarati Mid-day Correspondent

અન્ય લેખો

રાષ્ટ્રીય સમાચાર

સ્વતંત્રતા પછી ભારતના શ્રેષ્ઠ વડાપ્રધાન નરેન્દ્ર મોદી છે: અમિત શાહ

શાહે કહ્યું હતું કે વડા પ્રધાન નરેન્દ્ર મોદીએ ગરીબોને મોખરે રાખીને ગ્રોસ ડોમેસ્ટિક પ્રોડક્ટ (જીડીપી) ને `માનવ એંગલ` આપ્યો છે.

27 October, 2021 07:53 IST | mumbai | Gujarati Mid-day Online Correspondent
રાષ્ટ્રીય સમાચાર

Pegasus:સુપ્રીમ કોર્ટે કમિટીનું ગઠન કરવા કર્યો આદેશ, જાસુસી મામલે કરશે તપાસ 

સુપ્રીમ કોર્ટે ત્રણ સભ્યોની વિશેષ કમિટીનું ગઠન કરવાનો નિર્દેશ આપ્યો છે.  જેની અધ્યક્ષતા સુપ્રીમ કોર્ટના પૂર્વ ન્યાયધીશ આરવી રવીન્દ્રન કરશે.

27 October, 2021 01:00 IST | mumbai | Gujarati Mid-day Online Correspondent
રાષ્ટ્રીય સમાચાર

Google Doodle: ચશ્માની દુનિયામાં લેન્સની ભેટ આપનાર Otto Wichterle કોણ છે, જાણો 

આજે વિશ્વના લગભગ 140 મિલિયન લોકો તેમના તૈયાર આધુનિક લેન્સનો ઉપયોગ કરી રહ્યા છે

27 October, 2021 12:20 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK