આ બેઠકનો ઉદ્દેશ્ય કેન્દ્ર અને રાજ્ય સરકારો વચ્ચે સહયોગી શાસન અને સહકારને પ્રોત્સાહન આપવાનો અને ડિલિવરી નેટવર્કને મજબૂત કરીને ગ્રામીણ અને શહેરી બંને વસ્તી માટે જીવનની ગુણવત્તામાં વધારો કરવાનો હતો
નરેન્દ્ર મોદીની ફાઇલ તસવીર
શનિવારે દિલ્હીમાં પીએમ નરેન્દ્ર મોદીની અધ્યક્ષતામાં નીતિ આયોગની નવમી ગવર્નિંગ કાઉન્સિલની બેઠક (Niti Aayog Meeting) યોજાઈ હતી. મીટિંગમાં પીએમ મોદીએ કહ્યું કે, “ભારત એક યુવા દેશ છે. તે તેના કાર્યબળને કારણે સમગ્ર વિશ્વ માટે એક મોટું આકર્ષણ છે. આપણે આપણા યુવાનોને કુશળ અને રોજગારીયોગ્ય કાર્યબળ બનાવવાનું લક્ષ્ય રાખવું જોઈએ. એક વિકસિત ભારત 2024 બનાવવાનું છે. કૌશલ્ય, સંશોધન, નવીનતા અને નોકરી આધારિત જ્ઞાન પર ભાર મૂકવા માટે જરૂરી છે.”