વિડિયો શૅર કરનાર મહિલાએ સવાલ ઉઠાવ્યો છે કે જો ૭ વર્ષનું બાળક આવી રીતે સ્ત્રી તરફ કમેન્ટ કરે તો એમાં આપણે કેવું પેરન્ટિંગ કરીએ છીએ? આમાં સ્ત્રીઓની સલામતી કેટલી છે?
વાયરલ વીડિયોમાંથી સ્ક્રીન શૉટ
એક મહિલાએ સોશ્યલ મીડિયા પર પોતાની સોસાયટીમાં એમ જ લટાર મારતી વખતે થયેલા અનુભવની વાત સોશ્યલ મીડિયા પર શૅર કરી છે. તેણે કહ્યું હતું કે આજકાલ છથી ૭ વર્ષનો છોકરો પણ ઈવ-ટીઝ કરે છે. તેના કહેવા મુજબ તે સોસાયટીની અંદર ચાલી રહી હતી ત્યારે અચાનક જ એક નાનું બાળક તેની પાસેથી પસાર થયું અને ભદ્દી કમેન્ટ કરી. તેણે કહ્યું, ઓ લાલ પરી. એ સાંભળીને વૉચમૅન હસવા લાગ્યો. તે કંઈ બોલી નહીં. જોકે ફરીથી ચાલતાં-ચાલતાં તે બાળક પાસેથી પસાર થઈ તો તે જ છોકરાએ બૂમ મારીને પૂછ્યું, ‘કૌન હૈ તૂ? ચલેગી ક્યા?’ એ સાંભળીને મહિલાનું દિમાગ હટ્યું અને તેણે બાળકને આવી કમેન્ટ બદલ ધમકાવ્યો. તો સિક્યૉરિટી ગાર્ડ વચ્ચે પડ્યો અને બાળકને સૉરી કહેવા કહ્યું. તો પેલો છોકરો એમ જ કૅઝ્યુઅલી સૉરી કહીને ત્યાંથી ભાગી ગયો.
વિડિયો શૅર કરનાર મહિલાએ સવાલ ઉઠાવ્યો છે કે જો ૭ વર્ષનું બાળક આવી રીતે સ્ત્રી તરફ કમેન્ટ કરે તો એમાં આપણે કેવું પેરન્ટિંગ કરીએ છીએ? આમાં સ્ત્રીઓની સલામતી કેટલી છે?
