આગરામાં એક પરિવારે આ કુરબાનીની કથાને સાવ જ બદલી નાખી છે
બકરાનો ફોટો ધરાવતી કેક કાપવામાં આવી
બકરી ઈદ આવતાં જ બજારમાં બકરાના ભાવની ચર્ચા શરૂ થઈ જાય છે. સૌથી ભારે, ઊંચા અને કદાવર બકરાની કુરબાની આપવાની વાતો વેગ પકડે છે. જોકે આગરામાં એક પરિવારે આ કુરબાનીની કથાને સાવ જ બદલી નાખી છે. તેમણે બકરાનો ફોટો હોય એવી કેક કાપીને બકરી ઈદ મનાવી હતી. આ ઘટનાનો વિડિયો સોશ્યલ મીડિયામાં વાઇરલ થઈ ગયો છે.
ADVERTISEMENT
આગરાના શાહગંજમાં તિરંગા મંઝિલ શેરવાની માર્ગ પર રહેતા ઍડ્વોકૅટ ગુલ ચમન શેરવાનીના ઘરે બકરી ઈદનો ખાસ કાર્યક્રમ હતો. એમાં બકરાનો ફોટો ધરાવતી કેક કાપવામાં આવી. વકીલસાહેબનું કહેવું છે કે ‘અલ્લાહ દેખાડો નહીં, માણસની નીયત જુએ છે. અસલી કુરબાની આપણી અંદરની ખરાબીઓ, લાલચ, નફરત અને અહંકારને છોડવામાં છે. આજે અનેક લોકો કુરબાનીના નામે બેફામ દોલતની નુમાઈશ કરે છે, જ્યારે ભીખ માગીને ખાનારો પણ જો સાચી નીયતથી અસલી કુરબાની આપી શકે છે.’
બકરા-કેક કાપવાની આ ઘટનાની હિન્દુ અને મુસ્લિમ બન્ને સમુદાયોના લોકોએ તારીફ કરી હતી.
