ફ્લૉરિડામાં રહેતી સારા બૂન અને તેના પ્રેમી જ્યૉર્જ ટોરેસે ૨૦૨૦ની ૨૩ ફેબ્રુઆરીએ ઘરમાં બેસીને દારૂ પીધો પછી થોડી મોજ-મસ્તી કરવા માટે સંતાકૂકડી રમવાનું નક્કી કર્યું. એટલે સારાએ પ્રેમીને સૂટકેસમાં પૂરી દીધો.
સારા બૂન અને તેના પ્રેમી જ્યૉર્જ ટોરેસે
ફ્લૉરિડામાં રહેતી સારા બૂન અને તેના પ્રેમી જ્યૉર્જ ટોરેસે ૨૦૨૦ની ૨૩ ફેબ્રુઆરીએ ઘરમાં બેસીને દારૂ પીધો પછી થોડી મોજ-મસ્તી કરવા માટે સંતાકૂકડી રમવાનું નક્કી કર્યું. એટલે સારાએ પ્રેમીને સૂટકેસમાં પૂરી દીધો. તેને એવું લાગ્યું કે જ્યૉર્જને આ રીતે સંતાવામાં મજા પડશે. થોડી વાર પછી દારૂના નશાને કારણે સારાને ઘેન ચડ્યું અને જ્યૉર્જ જાતે જ સૂટકેસમાંથી બહાર આવી જશે એવું વિચારીને તે સૂઈ ગઈ. સવાર પડી ત્યારે જ્યૉર્જ ક્યાંય નહોતો. આખા ઘરમાં શોધ્યો, પણ ન મળ્યો. પછી તરત સારાને યાદ આવ્યું કે તેને તો રાતે સૂટકેસમાં સંતાડી દીધો હતો. તેણે સૂટકેસ ખોલીને જોયું તો એમાંથી જ્યૉર્જનો મૃતદેહ મળ્યો. એ પછી પોલીસે હત્યાના કેસમાં સારાની ધરપકડ કરી. ૪ વર્ષ સુધી કેસ ચાલ્યો. શુક્રવારે ૯૦ મિનિટ સુધી ચર્ચા કર્યા પછી કોર્ટે સારા બૂનને દોષી ઠરાવી છે.
