Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સમાચાર > ચિત્ર-વિચિત્ર > આર્ટિકલ્સ > જપાનમાં છે દુનિયાનો સૌથી બુઝુર્ગ ૨૩ વર્ષનો લાલ પાન્ડા

જપાનમાં છે દુનિયાનો સૌથી બુઝુર્ગ ૨૩ વર્ષનો લાલ પાન્ડા

Published : 20 November, 2026 03:11 PM | Modified : 20 November, 2026 04:03 PM | IST | Japan
Gujarati Mid-day Correspondent | feedbackgmd@mid-day.com

જપાનના ચીબા પ્રાણીસંગ્રહાલયમાં રહેતા ૨૩ વર્ષના ફુટા નામના લાલ પાન્ડાને તાજેતરમાં દુનિયાનો સૌથી બુઝુર્ગ જીવિત પાન્ડા જાહેર કરવામાં આવ્યો છે. ગિનેસ વર્લ્ડ રેકૉર્ડ્સે ૧૭ નવેમ્બરે જપાનના ઝૂમાં જઈને ફુટાને આ ખિતાબ આપ્યો હતો.

જપાનમાં સૌથી બુઝુર્ગ લાલ પાન્ડા

અજબ ગજબ

જપાનમાં સૌથી બુઝુર્ગ લાલ પાન્ડા


જપાનમાં માણસોનું આયુષ્ય લાંબું છે એ તો ખબર જ છે, પણ અહીં રેડ પાન્ડા પણ લાંબું જીવે છે. જપાનના ચીબા પ્રાણીસંગ્રહાલયમાં રહેતા ૨૩ વર્ષના ફુટા નામના લાલ પાન્ડાને તાજેતરમાં દુનિયાનો સૌથી બુઝુર્ગ જીવિત પાન્ડા જાહેર કરવામાં આવ્યો છે. ગિનેસ વર્લ્ડ રેકૉર્ડ્સે ૧૭ નવેમ્બરે જપાનના ઝૂમાં જઈને ફુટાને આ ખિતાબ આપ્યો હતો. સામાન્ય રીતે રેડ પાન્ડાની ઉંમર બારથી ૧૭ વર્ષની હોય છે, પણ ફુટા ૨૩ વર્ષનો થઈ ગયો છે. ફુટા ૨૦૦૩માં જપાનના શિઝુઓકા મ્યુનિસિપલ પ્રાણીસંગ્રહાલયમાં જન્મ્યો હતો. એના પિતા ફુફુ પરથી એનું નામ ફુટા પાડવામાં આવેલું. એક વર્ષની વયે એને ચીબા ઝૂમાં લાવવામાં આવ્યો હતો. દર્શકોને જોઈને જાતજાતનાં કરતબો કરતો હોવાથી ફુટા બહુ લાડીલો બની ગયો હતો. ખાસ તો એ પાછલા બે પગ પર ઊભો રહી જતો હતો એ જોવા માટે અનેક લોકો ઝૂમાં આવતા હતા. જોકે હવે એની ઉંમર વર્તાય છે. અવારનવાર માંદગી ખબર લઈ જતી હોવાથી હવે ફુટા શાંત થઈ ગયો છે. આ પહેલાં સૌથી વૃદ્ધ રેડ પાન્ડાનો ખિતાબ અમેરિકાના ટેલર પાસે હતો. ટેલર ૨૧ વર્ષ અને ૨૬૫ દિવસ જીવ્યો હતો.


Whatsapp-channel Whatsapp-channel

20 November, 2026 04:03 PM IST | Japan | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK