તમામ ઝૂવાસી પ્રાણીઓનું વજન કરતાં ઝૂના ટ્રેઇનરોને લગભગ દસેક દિવસ લાગશે.
લંડનના સૌથી મોટા ૧૪ હેક્ટરમાં ફેલાયેલા ઝૂમાં આજકાલ એક ઉત્સવ ચાલી રહ્યો છે.
લંડનના સૌથી મોટા ૧૪ હેક્ટરમાં ફેલાયેલા ઝૂમાં આજકાલ એક ઉત્સવ ચાલી રહ્યો છે. આ ઉત્સવમાં અહીંના રહેવાસીઓનું વજન માપવાનું ભગીરથ કાર્ય હાથ ધરાયું છે. વિવિધ તાલીમકારો પ્રાણીઓને રમાડતાં-રમાડતાં એમનું વજન થઈ શકે એવા ચોક્કસ વજનકાંટા સુધી એમને દોરી જાય છે. એમનું વજન સ્થિર થાય ત્યાં સુધી શાંતિથી તેઓ વજનકાંટા પર ટકે એ માટે એમને કંઈક મનગમતું ખાવાનું આપવામાં આવે છે અને એટલી વારમાં ટ્રેઇનરો એમનું વેઇટ ઍનૅલિસિસનું કામ પૂરું કરી લે છે. પેન્ગ્વિનથી લઈને જાયન્ટ ગૅલાપૅગોસ કાચબા અને અલગ-અલગ પ્રજાતિના વાંદરાઓથી માંડીને પંખીઓનું વજન પણ કરવામાં આવે છે. તમામ ઝૂવાસી પ્રાણીઓનું વજન કરતાં ઝૂના ટ્રેઇનરોને લગભગ દસેક દિવસ લાગશે.
