ભીષણ ગરમી વચ્ચે નૉર્થ કોરિયાએ લોકોને ડૉગ મીટ સૂપ પીવાની સલાહ આપી છે. સરકારી મીડિયા મુજબ આ પરંપરાગત વાનગી ગરમીથી થતી તકલીફો ઘટાડવામાં મદદરૂપ બની શકે છે, જ્યારે સાઉથ કોરિયામાં ડૉગ મીટ પર પ્રતિબંધ છે.
પ્રતીકાત્મક તસવીર
નૉર્થ કોરિયામાં ભીષણ ગરમી પડી રહી છે. અહીં ગરમી સહન થાય એ માટે એક પારંપરિક વાનગી પ્રમોટ કરવામાં આવી રહી છે. ડાંગોગી ગુક અથવા તો સ્વીટ મીટ સૂપ તરીકે જાણીતો શ્વાનના માંસનો સૂપ પીવાનું અહીંના સરકારી મીડિયા દ્વારા પ્રમોશન થઈ રહ્યું છે. સરકારી ઍડ્વાઇઝરીમાં કહેવાયું છે કે ગરમીને કારણે થતી બીમારીઓથી બચવા માટે ડાંગોગી ગુક, તરબૂચ, કાકડી, મગ, માછલી, દલિયા અને રેડ બીન્સ ખાવાં જોઈએ. સરકારી ચેતવણી મુજબ ગરમીને કારણે હૃદયની બીમારીઓ, ડાયાબિટીઝ અને હાઇપરથાઇરૉઇડિઝમ જેવી બીમારીઓ વકરી શકે છે. એ માટે પણ ડાંગોગી ગુક એટલે કે ડૉગીના માંસનો સૂપ પીવો. આ સલાહ પાડોશી દેશ સાઉથ કોરિયાથી સાવ જ અલગ છે. સાઉથ કોરિયામાં કૂતરાઓને મારવા, વેચવા, ખાવા પર સંપૂર્ણ પ્રતિબંધ છે જ્યારે નૉર્થ કોરિયામાં સરકાર એને પ્રોત્સાહન આપી રહી છે.
