ઇટલીમાં ગિનેસ વર્લ્ડ રેકૉર્ડ્સ માટેનો ખાસ શો થાય છે
આ યુવકોમાંથી એક યુવક બીજાના માથા પર હાથ મૂકીને હૅન્ડસ્ટૅન્ડ કરે છે.
આપણે ત્યાં જેમ ઇન્ડિયાઝ ગૉટ ટૅલન્ટ ટીવી-શો થાય છે એના જેવો ઇટલીમાં ગિનેસ વર્લ્ડ રેકૉર્ડ્સ માટેનો ખાસ શો થાય છે. એમાં માર્લેન મારાતોવ અને બાત્યાર ઝાનુઝક નામના બે યુવકોએ ગજબનું કરતબ કરીને ગિનેસ વર્લ્ડ રેકૉર્ડ્સમાં સ્થાન બનાવ્યું છે. આ યુવકોમાંથી એક યુવક બીજાના માથા પર હાથ મૂકીને હૅન્ડસ્ટૅન્ડ કરે છે. મતલબ કે એક હાથના સહારે શીર્ષાસન કરીને સંતુલન જાળવે છે. એ પછી જે યુવક નીચે ઊભો છે એ ચાલવાનું શરૂ કરે છે અને પેલા બીજા યુવકને માથે રાખીને જ એક નિસરણી ચડે છે. અને ટર્ન થઈને બીજી તરફથી નિસરણી ઊતરે પણ છે. આ આખા સ્ટન્ટ દરમ્યાન બીજો યુવક એક હાથે શીર્ષાસન કરીને સંતુલન જાળવીને રાખે છે. એક મિનિટના ગાળામાં આ બન્ને યુવકો બે વાર નિસરણી ચડીને ઊતરી જાય છે.
