બૅન્ગલોરના એમ. ચિન્નાસ્વામી સ્ટેડિયમમાં આજે ભારત અને વેસ્ટ ઇન્ડીઝની પાંચ T20 મૅચની સિરીઝની નિર્ણાયક મૅચ રમાશે. આ સિરીઝ હાલમાં ૨-૨થી લેવલ છે. ભારત સામે T20 મૅચની ૬ સિરીઝમાંથી વેસ્ટ ઇન્ડીઝ ૨૦૨૩ની એકમાત્ર સિરીઝ જીત્યું છે.
પ્રતીકાત્મક ફાઈલ તસવીર
બૅન્ગલોરમાં ઇન્ટરનૅશનલ ક્રિકેટની વાપસી, પાંચમી મૅચ વરસાદને કારણે ધોવાઈ શકે છે
છેલ્લે અહીં ઑક્ટોબર ૨૦૨૪માં ભારત અને ન્યુ ઝીલૅન્ડની મેન્સ ટીમો વચ્ચે ટેસ્ટ-મૅચ રમાઈ હતી, જૂન ૨૦૨૫ની નાસભાગની ઘટના પછી આ પહેલી ઇન્ટરનૅશનલ મૅચ
ADVERTISEMENT
બૅન્ગલોરના એમ. ચિન્નાસ્વામી સ્ટેડિયમમાં આજે ભારત અને વેસ્ટ ઇન્ડીઝની પાંચ T20 મૅચની સિરીઝની નિર્ણાયક મૅચ રમાશે. આ સિરીઝ હાલમાં ૨-૨થી લેવલ છે. ભારત સામે T20 મૅચની ૬ સિરીઝમાંથી વેસ્ટ ઇન્ડીઝ ૨૦૨૩ની એકમાત્ર સિરીઝ જીત્યું છે. જૂન ૨૦૨૫માં બૅન્ગલોર ટીમના IPL ટાઇટલ જીતવાના જશન સમયે થયેલી નાસભાગની ઘટના પછી આ પહેલી ઇન્ટરનૅશનલ મૅચ અહીં રમાશે. છેલ્લે અહીં ઑક્ટોબર ૨૦૨૪માં ભારત અને ન્યુ ઝીલૅન્ડની મેન્સ ટીમો વચ્ચે ટેસ્ટ-મૅચ રમાઈ હતી.
બૅન્ગલોરના મેદાનની આ પિચને બૅટિંગ માટે સ્વર્ગ સમાન માનવામાં આવે છે. વરસાદને કારણે રમત અટકી શકે છે અને કદાચ લાંબા સમય સુધી પણ વિક્ષેપ પડી શકે છે. વેધર રિપોર્ટ્સ અનુસાર બપોરે બે વાગ્યાથી જ બૅન્ગલોરમાં વરસાદ શરૂ થશે.
આ સિરીઝમાં કૅરિબિયનો ભારતીય ટીમ પર ભારે રહ્યા છે. ૨૬૧ રન સાથે શાઇ હોપ અને ૨૨૧ રન સાથે શરફેન રદરફોર્ડ આ સિરીઝના ટૉપ ટૂ બૅટર છે. ફાસ્ટ બોલર કીમો પૉલ અને સ્પિનર રોસ્ટન ચેઝે સૌથી વધુ ૬-૬ વિકેટ લીધી છે.
