° °

આજનું ઇ-પેપર
Monday, 05 December, 2022


આજે કોહલી-રાહુલને આરામ, પણ બોલર્સની ફરી કસોટી

04 October, 2022 12:21 PM IST | New Delhi
Gujarati Mid-day Correspondent | feedbackgmd@mid-day.com

મૅચનો સમય સાંજે ૭.૦૦ વાગ્યાથી

વિરાટ કોહલી અને કે. એલ. રાહુલ India VS South Africa 3rd T20

વિરાટ કોહલી અને કે. એલ. રાહુલ

ભારતે રવિવારે ઘરઆંગણે સાઉથ આફ્રિકા સામે પહેલી વાર ટી૨૦ સિરીઝ જીતી લીધી એ પછી હવે આજે રોહિત શર્મા ઍન્ડ કંપની ૩-૦થી ક્લીન સ્વીપ કરવા કોઈ કસર બાકી નહીં રાખે. ટીમ મૅનેજમેન્ટે ઇન્દોર ખાતેની આજની મૅચ માટેની ટીમમાંથી વિરાટ કોહલીને અને વાઇસ-કૅપ્ટન કે. એલ. રાહુલને આરામ આપવાનું નક્કી કર્યું છે. બન્ને ખેલાડીઓ સહિત આગામી ટી૨૦ વર્લ્ડ કપના કોઈ ખેલાડીને ૬ ઑક્ટોબરે સાઉથ આફ્રિકા સામે શરૂ થનારી વન-ડે સિરીઝની ટીમમાં ન સમાવાયા હોવાથી હવે કોહલી અને રાહુલ મુંબઈ આવ્યા બાદ ૬ તારીખે ટી૨૦ ટીમ સાથે જોડાશે અને એ ટીમ એ દિવસે ઑસ્ટ્રેલિયા જવા રવાના થશે, જ્યાં ૧૬મીથી ટી૨૦ વર્લ્ડ કપ રમાશે.આજે રાહુલને રેસ્ટ અપાયો હોવાથી ઓપનિંગમાં રોહિત સાથે સૂર્યકુમાર યાદવ અથવા રિષભ પંત રમશે.બોલિંગમાં મોહમ્મદ સિરાજ અથવા ઉમેશ યાદવને આજે રમવાનો મોકો મળી શકે.

રવિવારે સાઉથ આફ્રિકાની ટીમના ડેવિડ મિલર (૧૦૬ અણનમ, ૪૭ બૉલ, ૭ સિક્સર, ૮ ફોર) અને ક્વિન્ટન ડિકૉક (૬૯ અણનમ, ૪૮ બૉલ, ચાર સિક્સર, ત્રણ ફોર) ગજબના ફૉર્મમાં હોવાથી આજે ભારતીય બોલર્સની આકરી કસોટી થશે, કારણ કે રવિવારે આ બન્ને બૅટર્સે પોતાની ટીમને જીતની લગોલગ લાવી દીધી હતી. મહેમાન ટીમ ફક્ત ૧૬ રનથી હારી ગઈ હતી. મૅન ઑફ ધ મૅચ સૂર્યકુમારે બાવીસ બૉલમાં પાંચ સિક્સર, પાંચ ફોરની મદદથી ૬૧ રન બનાવ્યા હતા. ઓપનર રાહુલે ૨૮ બૉલમાં ચાર સિક્સર, પાંચ ફોર સાથે ૫૭ રન બનાવ્યા હતા. કોહલી (૪૯ અણનમ) એક રન માટે ૩૪મી હાફ સેન્ચુરી ચૂકી ગયો હતો.

રવિવારે મને મૅન ઑફ ધ મૅચનો અવૉર્ડ અપાયો એનાથી ખુદ મને નવાઈ લાગી હતી. ખરેખર તો સૂર્યકુમારે ગેમ બદલી નાખી હતી અને તેને જ આ પુરસ્કાર મળવો જોઈતો હતો.
કે. એલ. રાહુલ

04 October, 2022 12:21 PM IST | New Delhi | Gujarati Mid-day Correspondent

અન્ય લેખો

ક્રિકેટ

બીકેસીમાં ઇન્ડિયા વિમેન અન્ડર-19 ટીમ જીતીને હવે ૫-૦ની ક્લીન સ્વીપની નજીક

કિવી ટીમ ૯૨ રનમાં ઑલઆઉટ થઈ હતી અને શ્વેતા સેહરાવતની ટીમે ૨૯ રનથી વિજય મેળવ્યો હતો

05 December, 2022 11:45 IST | Mumbai | Gujarati Mid-day Correspondent
ક્રિકેટ

લાયનની ૬ વિકેટ : ઑસ્ટ્રેલિયાએ ફ્રૅન્ક વૉરેલ ટ્રોફી જાળવી રાખી

માર્નસ લાબુશેનને મૅન ઑફ ધ મૅચનો પુરસ્કાર અપાયો હતો.

05 December, 2022 11:42 IST | New Delhi | Gujarati Mid-day Correspondent
ક્રિકેટ

બાહોશ સ્ટોક્સનું વહેલું ડિક્લેરેશનઃ પાકિસ્તાનને આજે ૨૬૩ રનની જરૂર

પાકિસ્તાને ૮૦ રનમાં બે વિકેટ ગુમાવી દીધી હતી

05 December, 2022 11:40 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK