સૌથી વધુ ખેલાડીઓનો ઉપયોગ કરનાર મુંબઈ અને લખનઉ ૧૦ ટીમોમાં સાવ તળિયે રહ્યાં

IPL 2026માં સૌથી ઓછા ખેલાડીઓ સાથે રમનાર બૅન્ગલોર અને ગુજરાત ટૉપ ટૂમાં રહ્યાં...

પ્રતીકાત્મક તસવીર (સૌજન્ય: મિડ-ડે)

IPL 2026ના લીગ-સ્ટેજ રાઉન્ડમાં સૌથી વધુ ખેલાડીઓને રમાડનાર ટીમ તળિયામાં અને ઓછા ખેલાડીઓ સાથે રમનાર ટીમ ટૉપ પર જોવા મળી છે. લીગ-સ્ટેજ રાઉન્ડમાં મુંબઈએ ૨૪ ખેલાડી અને લખનઉએ ૨૩ ખેલાડીઓનો ઉપયોગ કર્યો. જોકે બન્ને ટીમ પૉઇન્ટ-ટેબલમાં નવમા અને દસમા ક્રમની ટીમ રહી.

આ લિસ્ટમાં દિલ્હી બાવીસ ખેલાડીઓ સાથે ત્રીજા ક્રમે, ચેન્નઈ ૨૧ ખેલાડીઓ સાથે ચોથા ક્રમે અને રાજસ્થાન ૨૦ ખેલાડીઓ સાથે પાંચમા ક્રમે છે. કલકત્તા, પંજાબ અને હૈદરાબાદે લીગ-સ્ટેજ રાઉન્ડમાં ૧૯ ખેલાડીઓને મેદાન પર ઉતાર્યા હતા. આ લિસ્ટમાં ગુજરાત ૧૮ ખેલાડી સાથે નવમા ક્રમે અને બૅન્ગલોર ૧૬ ખેલાડીઓ સાથે દસમા ક્રમે છે. પ્લેઇંગ ઇલેવનમાં વારંવાર ફેરફાર કરવાને બદલે ખાસ ખેલાડીઓ પર વિશ્વાસ રાખીને રમનાર બૅન્ગલોર અને ગુજરાતની ટીમોએ આ વર્ષે ટૉપ ટૂમાં સ્થાન મેળવ્યું હતું.

ADVERTISEMENT