° °

આજનું ઇ-પેપર
Wednesday, 01 December, 2021


‘મિડ-ડે કપ’નો સ્ટાર ક્રિકેટર ઇન્ટરનેશનલમાં પણ ચમક્યો

26 October, 2021 04:17 PM IST | New Delhi | Gujarati Mid-day Correspondent

કચ્છી કડવા પાટીદારનો દિનેશ નાકરાણી બે રીતે વિશ્વભરના તમામ ટી૨૦ બોલરોમાં મોખરે

દિનેશ નાકરાણી

દિનેશ નાકરાણી

ક્રિકેટની રમતમાં અનેક નાના દેશો પ્રવેશી રહ્યા છે અને ચમકી પણ રહ્યા છે અને આ મોટા ભાગના નવા દેશોની ટીમમાં ગુજરાતી ખેલાડીઓ પોતાના સુપર્બ પર્ફોર્મન્સના આધારે સામેલ છે. ગુજરાતીઓ અને કચ્છીઓ વિશ્વના

ખૂણે-ખૂણે પહોંચી ગયા છે અને ક્રિકેટના ટચૂકડા દેશોની ટીમોને પણ પોતાની કાબેલિયતથી પ્રભાવિત કરી ચૂક્યા છે. ક્રિકેટજગતમાં યુગાન્ડા આવો જ એક નાનો દેશ છે જેનો મૂળ કચ્છનો ખેલાડી અને ‘મિડ-ડે કપ’ની કચ્છી કડવા પાટીદાર ટીમનો સ્ટાર ઑલરાઉન્ડર દિનેશ મગન નાકરાણી આજકાલ ટી૨૦ ઇન્ટરનેશનલ્સમાં ખૂબ ઝળકી રહ્યો છે.

પુરુષોના આગામી ટી૨૦ વર્લ્ડ કપ માટેનો સબ-રીજનલ આફ્રિકા ક્વૉલિફાઇંગ રાઉન્ડ અત્યારે ચાલી રહ્યો છે જેમાં યુગાન્ડાની ટીમના ૩૦ વર્ષના ઑલરાઉન્ડર દિનેશ નાકરાણીએ લેફ્ટ આર્મ પેસ બોલિંગના પાવરથી આ ક્વૉલિફાઇંગ ટુર્નામેન્ટના બીજા બધા આફ્રિકન બોલરોને ઝાંખા પાડી દીધા છે. ૬ મૅચમાં તેણે લીધેલી ૨૧ વિકેટ તમામ બોલરોમાં હાઇએસ્ટ છે. એટલું જ નહીં, તમામ બોલરોની બેસ્ટ

બોલિંગમાં ૪-૧-૭-૬ સાથે મોખરે છે. વધુ મહત્ત્વની વાત એ છે કે ટી૨૦ ઇન્ટરનૅશનલ્સની બોલિંગમાં તેની આ ઍનૅલિસિસ અત્યારે ભારતના દીપક ચાહર (૩.૨-૦-૭-૬) પછી બીજા સ્થાને છે. શ્રીલંકાનો જાણીતો સ્પિનર અજંથા મેન્ડિસ (૪-૨-૮-૬) આપણા નાકરાણી પછી ત્રીજા ક્રમે છે. નાકરાણી સૌરાષ્ટ્રની ટીમ વતી રમી ચૂક્યો છે.

૨૦૨૧ની ટી૨૦ ઇન્ટરનૅશનલ્સમાં નાકરાણીએ ૧૬ મૅચમાં લીધેલી કુલ ૩૧ વિકેટ વિશ્વના તમામ વર્તમાન બોલરોમાં હાઇએસ્ટ છે. સાઉથ આફ્રિકાનો ટબ્રેઝ શમ્સી (૨૯ વિકેટ) બીજા નંબરે છે. એક સમયનો નંબર-વન બોલર શાકિબ-અલ-હસન ૨૩ વિકેટ સાથે છેક આઠમા નંબરે છે. નાકરાણી ટી૨૦ ઇન્ટરનૅશનલ્સમાં કુલ ૨૦ મૅચ રમ્યો છે, જેમાં તેણે ૩૬ વિકેટ લેવા ઉપરાંત ૨૦૬ રન બનાવ્યા છે.

26 October, 2021 04:17 PM IST | New Delhi | Gujarati Mid-day Correspondent

અન્ય લેખો

ક્રિકેટ

કોને રીટેન કરવા, કોને નહીં? : આજે નિર્ણય

હાલની ૮માંની દરેક ટીમને વધુમાં વધુ ચાર ખેલાડી રીટેન કરવાની છૂટ છે

30 November, 2021 11:33 IST | New Delhi | Gujarati Mid-day Correspondent
ક્રિકેટ

ન્યુઝ શોર્ટમાં : એક ક્લિકમાં વાંચો રમત જગતના સમાચાર

દ્રવિડનું મેદાનના માળીઓને ૩૫,૦૦૦ રૂપિયાનું ઇનામ; આજે પાકિસ્તાનને ફક્ત ૯૩ રનની જરૂર અને વધુ સમાચાર

30 November, 2021 11:25 IST | New Delhi | Gujarati Mid-day Correspondent
ક્રિકેટ

છેલ્લા બાવન બૉલે ભારતની બાજી બગાડી

ભારતીય મૂળના બે કિવીઓ રાચિન રવીન્દ્ર અને એજાઝ પટેલે જ ન જીતવા દીધા ઃ તેમની ૧૦મી વિકેટની ૧૦ રનની અતૂટ ભાગીદારી છેવટે રહાણે ઍન્ડ કંપનીને નડી ગઈ ઃ એ પહેલાં નાઇટ-વૉચમૅન વિલિયમ સમરવિલ વિઘ્ન બન્યો

30 November, 2021 10:13 IST | Kanpur | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK