Gujarati Mid-day
Happiest Places to Work

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સ્પોર્ટ્સ સમાચાર > ક્રિકેટ > આર્ટિકલ્સ > બ્રેવિસને કરારની રકમ ઉપરાંત વધારાના પૈસા ચૂકવવામાં આવ્યા

બ્રેવિસને કરારની રકમ ઉપરાંત વધારાના પૈસા ચૂકવવામાં આવ્યા

Published : 15 August, 2025 12:56 PM | Modified : 16 August, 2025 07:13 AM | IST | Mumbai
Gujarati Mid-day Correspondent | feedbackgmd@mid-day.com

રવિચન્દ્રન અશ્વિને કર્યો મોટો ખુલાસો

બ્રેવિસ, રવિચન્દ્રન અશ્વિન

બ્રેવિસ, રવિચન્દ્રન અશ્વિન


સાઉથ આફ્રિકાના યંગ બૅટર ડેવાલ્ડ બ્રેવિસને IPL 2025ના બીજા ભાગમાં ચેન્નઈ સુપર કિંગ્સમાં ઇન્જર્ડ પ્લેયરના સ્થાને રિપ્લેસમેન્ટ પ્લેયર તરીકે ૨.૨ કરોડ રૂપિયામાં ખરીદવામાં આવ્યો હતો. IPLના નિયમ મુજબ રિપ્લેસમેન્ટ પ્લેયરને ઇન્જર્ડ પ્લેયરની કિંમતે અથવા એનાથી ઓછી કિંમતે સાઇન કરવો જોઈએ. જોકે ભારતના ભૂતપૂર્વ સ્પિનર રવિચન્દ્રન અશ્વિને ખુલાસો કર્યો છે કે બ્રેવિસને ખરીદવા માટે ચેન્નઈએ ખાનગી રીતે તેને વધારાની રકમ ચૂકવી હતી.


પોતાની યુટ્યુબ-ચૅનલ પર ચર્ચા દરમ્યાન અશ્વિને કહ્યું હતું કે ‘સીઝનના બીજા ભાગમાં ડેવાલ્ડ બ્રેવિસ ચેન્નઈ માટે શાનદાર રહ્યો હતો. મને ખબર પડી કે બે-ત્રણ અન્ય ટીમોએ પણ તેની સાથે વાત કરી હતી, પરંતુ વધારાના પૈસા ચૂકવવામાં અસમર્થ હોવાથી તેને ટીમમાં સામેલ કરવાનું ચૂકી ગયા હતા. સીઝનની મધ્યમાં પ્લેયરની પસંદગી કરતી વખતે તેના એજન્ટ સાથે તેની સર્વિસ મેળવવા માટે બેઝ પ્રાઇસ ઉપરાંત ‘X’ રકમની ચર્ચા કરવામાં આવે છે. ચેન્નઈ વધારાની રકમ ચૂકવવા તૈયાર હતું એટલે બ્રેવિસ ટીમમાં જોડાયો હતો.’



 જોકે ૯.૭૫ કરોડ રૂપિયામાં ચેન્નઈ માટે રમનાર અશ્વિનના આ ખુલાસા બદલ ટીમના ફૅન્સ સોશ્યલ મીડિયા પર તેને ટ્રોલ કરી રહ્યા છે.


Whatsapp-channel Whatsapp-channel

16 August, 2025 07:13 AM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK