ચેન્નઈ સુપર કિંગ્સના ભૂતપૂર્વ સ્પિનર રવિચન્દ્રન અશ્વિને આગામી સીઝન માટે ટીમને મોટાં સલાહ-સૂચન આપ્યાં છે.
રવિચન્દ્રન અશ્વિનની ચેન્નઈ સુપર કિંગ્સને સલાહ: પથિરાના, ૦૭:૦૭, સ્ટોક્સને ટીમમાં સામેલ કરવા જેવા
ચેન્નઈ સુપર કિંગ્સના ભૂતપૂર્વ સ્પિનર રવિચન્દ્રન અશ્વિને આગામી સીઝન માટે ટીમને મોટાં સલાહ-સૂચન આપ્યાં છે. સોશ્યલ મીડિયા પ્લૅટફૉર્મ X પર એક યુઝરે સવાલ કર્યો કે ‘જો મથીશા પથીરાનાને આગામી સીઝનમાં કલકત્તા રિલીઝ કરે તો શું ચેન્નઈએ તેને ફરી ટીમમાં સામેલ કરવો જોઈએ?’
આ ટ્વીટના જવાબમાં રવિચન્દ્રન અશ્વિને ટૂંકમાં લખ્યું, ‘પથિરાના, ૦૭:૦૭, સ્ટોક્સ.’ ટૂંકમાં તેણે ઉલ્લેખ કર્યો કે ચેન્નઈએ આગામી સીઝનમાં ફાસ્ટ બોલર મથીશા પથિરાના, હાર્દિક પંડ્યા અને બેન સ્ટોક્સને સામેલ કરવા જોઈએ. હાલમાં હાર્દિક પંડ્યાની ગર્લફ્રેન્ડની ઇન્સ્ટાગ્રામ સ્ટોરીમાં મોબાઇલ ફોનમાં ૦૭:૦૭નો સમય જોઈને ફૅન્સ અંદાજ લગાવી રહ્યા છે કે હાર્દિક પંડ્યા આગામી સીઝનમાં ૭ નંબરની જર્સી પહેરતા મહેન્દ્ર સિંહ ધોનીની ચેન્નઈ ટીમમાં જોડાશે.
