સાઉથ આફ્રિકા સામે છેલ્લે ૨૦૧૪માં વન-ડે સિરીઝ જીત્યા હતા કાંગારૂઓ
પ્રતીકાત્મક તસવીર
યજમાન સાઉથ આફ્રિકા અને મહેમાન ટીમ ઑસ્ટ્રેલિયા વચ્ચે આજથી ત્રણ વન-ડે મૅચની સિરીઝ શરૂ થશે. ભારતીય સમય અનુસાર પહેલી બે મૅચ બપોરે ૧.૩૦ વાગ્યે અને અંતિમ મૅચ સાંજે પાંચ વાગ્યે શરૂ થશે.
ઑસ્ટ્રેલિયા સામેની આ મહત્ત્વપૂર્ણ સિરીઝમાંથી સાઉથ આફ્રિકાના ૪ મહત્ત્વપૂર્ણ ફાસ્ટ બોલર્સ બહાર થઈ ગયા છે. કૅગિસો રબાડા, લુન્ગી ઍન્ગિડી, ક્વેના માફાકા અને ઓટનિલ બાર્ટમૅન હૅમસ્ટ્રિંગ ઇન્જરીને કારણે સિરીઝમાં નહીં રમી શકશે.
ઑસ્ટ્રેલિયા અને સાઉથ આફ્રિકા વચ્ચે ૧૫ વન-ડે સિરીઝ રમાઈ છે. છેલ્લી પાંચ સહિત ૯ સિરીઝમાં સાઉથ આફ્રિકા વિજેતા બન્યું છે. ઑસ્ટ્રેલિયા ૪ સિરીઝ જીત્યું છે. ૧૯૯૪ અને ૨૦૦૦ની સિરીઝ ડ્રૉ રહી હતી. ઑસ્ટ્રેલિયા આ હરીફ સામે છેલ્લે ૨૦૧૪ની સિરીઝ જીત્યું હતું. સાઉથ આફ્રિકામાં તેઓ છેલ્લે ૨૦૧૧ની વન-ડે સિરીઝ જીત્યા હતા. બન્ને વચ્ચે રમાયેલી ૧૧૩ વન-ડે મૅચમાંથી સાઉથ આફ્રિકા ૫૭ મૅચમાં અને ઑસ્ટ્રેલિયા બાવન મૅચમાં વિજેતા રહ્યું છે. ૩ મૅચ ટાઇ રહી છે અને એક મૅચ નો-રિઝલ્ટ રહી હતી. બન્ને વચ્ચે ૨૦૨૫ના ઑગસ્ટમાં રમાયેલી અંતિમ મૅચમાં ઑસ્ટ્રેલિયાએ ૨૭૬ રનની જીત મેળવી હતી.
