° °

આજનું ઇ-પેપર
Monday, 14 June, 2021


ઇન્ટરનૅશનલ ક્રિકેટને વધી રહેલી ટી૨૦ લીગને લીધે ખતરો : પ્લેસિસ

08 June, 2021 02:45 PM IST | Mumbai | Gujarati Mid-day Correspondent

સાઉથ આફ્રિકાના ભૂતપૂર્વ કૅપ્ટનને લાગે છે કે બન્ને વચ્ચે સમતોલન જાળવવું જરૂરી છે, નહીંતર પછી ફુટબૉલમાં જેવું થયું એવું થઈ જશે

ફૅફ ડુ પ્લેસિસ

ફૅફ ડુ પ્લેસિસ

સાઉથ આફ્રિકાના ભૂતપૂર્વ કૅપ્ટન ફૅફ ડુ પ્લેસિસને લાગે છે કે ટી૨૦ લીગની વધતી સંખ્યા ઇન્ટરનૅશનલ ક્રિકેટ માટે ખતરો બની ગઈ છે. આજે ઑસ્ટ્રેલિયા, ભારત, ઇંગ્લૅન્ડ, પાકિસ્તાન, બંગલા દેશ, શ્રીલંકા અને વેસ્ટ ઇન્ડીઝ દરેક ટૉપના ક્રિકેટ દેશ પાસે પોતાની ટી૨૦ લીગ છે. 

પ્લેસિસે રવિવારે એક પ્રેસ-કૉન્ફરન્સ દરમ્યાન કહ્યું હતું કે ‘મને લાગે છે કે દર વર્ષે ટી૨૦ લીગની વધી રહેલી સંખ્યા ઇન્ટરનૅશનલ ક્રિકેટ માટે જોખમકારક છે. જો ભવિષ્યમાં એ એક વિકલ્પ બની ગયો તો ઇન્ટરનૅશનલ ક્રિકેટનું કોઈ મહત્ત્વ નહીં રહે. શરૂઆતમાં ફક્ત બે જ લીગ હતી અને આજે ૪, પ, ૬, ૭ લીગ એક વર્ષમાં રમાય છે. લીગ ક્રિકેટ દિવસે-દિવસે મજબૂત બની રહ્યું છે.’

પ્લેસિસે વેસ્ટ ઇન્ડીઝનું ઉદાહરણ આપતાં કહ્યું હતું કે ત્યાં ઘણા ખેલાડીઓ નૅશનલ ટીમને બદલે ફ્રૅન્ચાઇઝી ક્રિકેટને વધુ મહત્ત્વ આપે છે. સાઉથ આફ્રિકન ખેલાડીઓ પણ એ જ દિશામાં આગળ વધી રહ્યા છે. પ્લેસિસે આ બાબતે કહ્યું હતું કે લાગે છે કે આગલા વર્ષમાં ક્રિકેટ લગભગ ફુટબૉલ જેવું થઈ જશે, જેમાં ખેલાડીઓ લીગ ટુર્નામેન્ટને ખૂબ મહત્ત્વ આપે છે. દુનિયાભરમાં યોજાતી લીગ વચ્ચે વર્લ્ડ કપ યોજાય છે.’

પ્લેસિસે છેલ્લે કહ્યું કે ‘ભવિષ્યમાં લીગ અને ઇન્ટરનૅશનલ ક્રિકેટ બન્ને એકસાથે કેવી રીતે સંભવ બની શકે એ માટે પ્રયાસ થવો જોઈએ, નહીંતર ઇન્ટરનૅશનલ ક્રિકેટ ખતરામાં આવી જશે.’

08 June, 2021 02:45 PM IST | Mumbai | Gujarati Mid-day Correspondent

અન્ય લેખો

ક્રિકેટ

ન્યૂઝ શોર્ટમાં: બીજી ટેસ્ટમાં ઇંગ્લૅન્ડની હાર પાક્કી, વાંચો

બર્મિંગહૅમના એજબૅસ્ટનમાં રમાઈ રહેલી ન્યુ ઝીલૅન્ડ સામેની બીજી અને છેલ્લી ટેસ્ટમાં યજમાન ઇંગ્લૅન્ડની હાર પાક્કી થઈ ગઈ છે.

13 June, 2021 02:45 IST | Mumbai | Gujarati Mid-day Correspondent
ક્રિકેટ

રોહિત અને બોલ્ટની ટક્કર માટે છું ઉત્સાહી : સેહવાગ

ભૂતપૂર્વ ઓપનિંગ બૅટ્સમૅન કહે છે કે બોલ્ટના શરૂઆતના પડકારને જો રોહિતે પાર કરી લીધો તો તેને મેદાન ગજવવાથી કોઈ નહીં રોકી શકે

13 June, 2021 02:18 IST | Mumbai | Gujarati Mid-day Correspondent
ક્રિકેટ

આ બે ખાલડીઓ વગર ટીમ ઇન્ડિયા ન રમે WTC ફાઇનલ-વીરેન્દ્ર સહેવાગ

ઇંગ્લેન્ડના સાઉથૈમ્પટનમાં 18થી 22 જૂન વચ્ચે થનારી મેચ પહેલા પ્લેઇંગ ઇલેવનને લઈને ખૂબ જ મથામણ થઈ રહી છે.

12 June, 2021 06:40 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK