કૅરિબિયનોએ પાંચ વિકેટ ગુમાવીને ૨૩૯ રન કર્યા

વેસ્ટ ઇન્ડીઝ-પાકિસ્તાનની બીજી ટેસ્ટ-મૅચના પહેલા દિવસે વરસાદને લીધે ૭૪ ઓવર રમાઈ

જસ્ટિન ગ્રીવ્સ

પોર્ટ ઑફ સ્પેનમાં ગઈ કાલે વેસ્ટ ઇન્ડીઝ અને પાકિસ્તાન વચ્ચે બીજી ટેસ્ટ-મૅચ શરૂ થઈ છે. પહેલા દિવસે વરસાદને કારણે ૯૦ ઓવરને બદલે ૭૪ ઓવરની જ રમત રમાઈ હતી. ટૉસ જીતીને પહેલાં બૅટિંગ કરનાર યજમાન કૅરિબિયન ટીમે પાંચ વિકેટ ગુમાવીને ૨૩૯ રન કર્યા હતા. ઓપનર બ્રેન્ડન કિંગે ૫૦ બૉલમાં ૯ ફોરની મદદથી ૪૬ રન કર્યા હતા. જસ્ટિન ગ્રીવ્સ ૧૨૫ બૉલમાં ૮ ફોરની મદદથી ૬૪ રન કરીને અણનમ રહ્યો હતો. કૅપ્ટન રૉસ્ટન ચેઝ ૭૦ બૉલમાં 36 રન કરીને પહેલા દિવસના અંત સુધી ક્રીઝ પર રહ્યો હતો. પાકિસ્તાનના પેસ બોલર મોહમ્મદ અલીએ ૧૭ ઓવરમાં ૪૯ રન આપીને બે વિકેટ લીધી હતી. સ્પિનર્સ અલી ઉસ્માન અને સાજિદ ખાન સહિત ફાસ્ટ બોલર ઉબેદ શાહને એક-એક વિકેટ મળી હતી.

પહેલી ટેસ્ટ-મૅચમાં આઠ વિકેટ લેનાર મોહમ્મદ અબ્બાસને પાકિસ્તાને ડ્રોપ કર્યો

ADVERTISEMENT

પહેલી ટેસ્ટ-મૅચ જીતનાર યજમાન કૅરિબિયન ટીમે પોતાની પ્લેઇંગ ઇલેવનમાં કોઈ ફેરફાર કર્યો નહોતો.પહેલી ટેસ્ટ-મૅચમાં આઠ વિકેટ લેનાર ફાસ્ટ બોલર મોહમ્મદ અબ્બાસને બીજી મૅચમાં ડ્રોપ કરવામાં આવ્યો હતો.આ ચોંકવાનાર નિર્ણય વિશે બાબર આઝમે કહ્યું કે ‘આ નિર્ણય રમતની પરિસ્થિતિઓ અને સ્પિનરની જરૂરિયાતને ધ્યાનમાં રાખીને લેવામાં આવ્યો છે.’