રોમાંચક ફાઇનલમાં ધ શૂરવીર્સ A ટીમને છેલ્લી ઓવરમાં ૭ વિકેટે આપી માત : બેસ્ટ બૅટર અને પ્લેયર આૅફ ધ સિરીઝ બનીને તુશી શાહ બની આ સીઝનની સુપરસ્ટાર
‘મિડ-ડે’ તથા ઘાટકોપર જૉલી જિમખાના દ્વારા સંયુક્ત રીતે આયોજિત મુંબઈના ગુજરાતી-મારવાડી-પારસી સમાજની મહિલા ક્રિકેટરોના વર્લ્ડ કપ જેવી ગણાતી ‘મિડ-ડે લેડીઝ ક્રિકેટ’ની ૧૭મી સીઝનમાં પણ સુપર ચૅમ્પિયન ઘાટકોપર જૉલી જિમખાનાએ તેમનો જલવો જાળવી રાખ્યો હતો. ગઈ કાલે ટુર્નામેન્ટના ત્રીજા અને છેલ્લા દિવસે ક્વૉર્ટર ફાઇનલ અને સેમી ફાઇનલના ઘમસાણ બાદ રમાયેલી રોમાંચક ફાઇનલમાં છેલ્લી ત્રણેય સીઝનની ચૅમ્પિયન ઘાટકોપર જૉલી જિમખાના ધ શૂરવીર્સ A ટીમને ૭ વિકેટે હરાવીને સતત ચોથા વર્ષે અને કુલ આઠમી વાર ચૅમ્પિયન બની ગઈ હતી.
ચૅમ્પિયન ટીમ ઘાટકોપર જૉલી જિમખાનાનું અલગ પ્રૉપર્ટીઝ અને જિજ્ઞેશ ખિલાણીના મેન્ટર, ઘાટકોપર ગુજરાતી સમાજના પ્રેસિડન્ટ તેમ જ CREDAI-MCHIના સિનિયર વાઇસ પ્રેસિડન્ટ જિતેન્દ્ર મહેતા અને અલગ ગ્રુપનાં આર્ચી ખિલાણીના હસ્તે ટ્રોફી, ૫૦,૦૦૦ રૂપિયાનો ચેક, ટાઇમ પાર્ટનર લોગસ વૉચ તેમ જ ક્લીન, કૉન્શિયસ, કૅર સ્પૉન્સર વિન્ડમિલ બેબી તરફથી ગિફ્ટ-હૅમ્પર અને ફન પાર્ટનર ધ ગ્રેટ-એસ્કેપ વૉટરપાર્કનું ગિફ્ટ વાઉચર આપીને બહુમાન કરવામાં આવ્યું હતું.
12 January, 2026 06:37 IST | Mumbai | Gujarati Mid-day Correspondent
