° °

આજનું ઇ-પેપર
Monday, 29 November, 2021


ફ્રાન્સ વર્લ્ડ કપ, યુરો કપ પછી હવે નેશન્સ લીગ જીતનારો પ્રથમ દેશ

12 October, 2021 05:17 PM IST | New Delhi | Gujarati Mid-day Correspondent

આ સ્પર્ધામાં સ્પેન રનર-અપ રહ્યું

ફ્રાન્સની ટીમ

ફ્રાન્સની ટીમ

મિલાન શહેરમાં રવિવારે ફુટબૉલના વર્લ્ડ ચૅમ્પિયન તથા વર્લ્ડ નંબર-ફોર ફ્રાન્સે યુઈએફએ (યુઈફા) નેશન્સ લીગ સ્પર્ધાની ફાઇનલમાં વિશ્વની આઠમી રૅન્કના સ્પેનને ૨-૧થી હરાવીને પહેલી વાર આ સ્પર્ધા જીતી લીધી હતી.

ફ્રાન્સ વર્લ્ડ કપ ઉપરાંત યુરો કપ અને નેશન્સ લીગ સ્પર્ધા જીતનારો પ્રથમ દેશ બન્યો છે.

સ્પેન વતી મિકેલ ઑયરઝાબલે ૬૪મી મિનિટે ગોલ કર્યો, ત્યાર પછી ફ્રાન્સે ૦-૧થી પાછળ રહ્યા બાદ ૨-૧થી વિજય હાંસલ કર્યો હતો. ફ્રાન્સ વતી કરીમ બેન્ઝેમાએ ૬૬મી મિનિટે અને કાઇલિયાન ઍમ્બાપેએ ૮૦મી મિનિટે (મૅચ પૂરી થવાને ૧૦ મિનિટ બાકી હતી ત્યારે) ગોલ કર્યો હતો. ઍમ્બાપેનો વિવાદાસ્પદ ગોલ છેવટે ફાઇનલ-વિનિંગ સાબિત થયો હતો. સ્પેને એવી દલીલ કરી હતી કે ઍમ્બાપેનો એ ગોલ ન કહેવાય, કારણ કે બ્રેકઅવે પાસ મેળવતાં પહેલાં તે ઑફસાઇડ હતો. જોકે રેફરીના મતે ડિફેન્ડર એરિક ગાર્સિયા વચ્ચે આવીને બૉલને પોતાના કબજામાં કરતી વખતે બૉલને અડી ગયો હતો એ જોતાં ઍમ્બાપે ઑનસાઇડ કહેવાય.

આ સ્પર્ધામાં સ્પેન રનર-અપ રહ્યું, જ્યારે ત્રીજા સ્થાન માટેની મૅચમાં ઇટલીએ વર્લ્ડ નંબર-વન બેલ્જિયમને ૨-૧થી હરાવ્યું હતું.

12 October, 2021 05:17 PM IST | New Delhi | Gujarati Mid-day Correspondent

અન્ય લેખો

અન્ય સ્પોર્ટ્સ

બાર્સેલોના સ્પૅનિશ લીગમાં પહેલી વાર હરીફના મેદાન પર જીત્યું

લા લીગા તરીકે ઓળખાતી સ્પૅનિશ લીગમાં બાર્સેલોનાની ટીમ આ સીઝનમાં પહેલી વાર હરીફ ટીમના મેદાન પર જીતવામાં સફળ થઈ છે.

29 November, 2021 04:22 IST | mumbai | Gujarati Mid-day Correspondent
અન્ય સ્પોર્ટ્સ

News In Shorts: મનિકા બત્રા ભારત માટે ઇતિહાસ ન સર્જી શકી

રમગમત ક્ષેત્રના તમામ સમાચાર વાંચો એક ક્લિકમાં

29 November, 2021 04:11 IST | mumbai | Gujarati Mid-day Correspondent
અન્ય સ્પોર્ટ્સ

ઇટલી અથવા ક્રિસ્ટિયાનો રોનાલ્ડો વિનાનો ફિફા વર્લ્ડ કપ જોવાની તૈયારી રાખજો

અન્ય જૂથોમાંથી પણ પ્લે-ઑફ પછીના નિર્ણાયક મુકાબલાની વિજેતા ટીમો વર્લ્ડ કપમાં પહોંચશે. કુલ ૩૨ ટીમો વિશ્વકપમાં ભાગ લેશે. અત્યાર સુધી ૧૩ દેશો વર્લ્ડ કપ માટે ક્વૉલિફાય થઈ ચૂક્યા છે.

28 November, 2021 03:20 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK