જિયો હૉટસ્ટારે ફિલ્મના ડિજિટલ સ્ટ્રીમિંગ રાઇટ્સ ૧૫૦ કરોડ રૂપિયામાં ખરીદ્યા છે
‘ધુરંધર : ધ રિવેન્જ’ ૧૯ માર્ચે રિલીઝ થવાની છે
રણવીર સિંહ અને દિગ્દર્શક આદિત્ય ધરની ગયા વર્ષે આવેલી સ્પાય થ્રિલર ફિલ્મ ‘ધુરંધર’ની સીક્વલ ‘ધુરંધર : ધ રિવેન્જ’ ૧૯ માર્ચે રિલીઝ થવાની છે. આ ફિલ્મને રિલીઝ થવામાં હજી થોડો સમય છે, પણ એણે રિલીઝ પહેલાં જ બસો કરોડથી વધુની કમાણી કરીને સૌને ચોંકાવી દીધા છે. રિપોર્ટ પ્રમાણે ‘ધુરંધર : ધ રિવેન્જ’એ રિલીઝ પહેલાં નૉન-થિયેટરિકલ રાઇટ્સથી જ ૨૪૫ કરોડ રૂપિયાની કમાણી કરી છે. આ સાથે જ આ ડીલ છેલ્લાં કેટલાંક વર્ષોમાં હિન્દી સિનેમાની સૌથી મોટી ડીલ્સમાંની એક બની ગઈ છે.
આ ફિલ્મ સાથે સંકળાયેલી એક વ્યક્તિએ જણાવ્યું છે કે જિયો હૉટસ્ટારે ફિલ્મના ડિજિટલ સ્ટ્રીમિંગ રાઇટ્સ ૧૫૦ કરોડ રૂપિયામાં ખરીદ્યા છે અને તમામ ભાષાઓના સૅટેલાઇટ રાઇટ્સ સ્ટાર નેટવર્કને ૫૦ કરોડ રૂપિયામાં વેચવામાં આવ્યા છે. આ સાથે ટી-સિરીઝે મ્યુઝિક રાઇટ્સ ૪૫ કરોડ રૂપિયામાં ખરીદ્યા છે. આ રીતે કુલ નૉન-થિયેટરિકલ વૅલ્યુએશન ૨૪૫ કરોડ રૂપિયાની નવી ઊંચાઈએ પહોંચી ગયું છે.
ADVERTISEMENT
આ પહેલાં ‘ધુરંધર’ને ૧૪૦ કરોડ રૂપિયાની નૉન-થિયેટરિકલ ડીલ મળી હતી.
