‘હૈવાન’માં અસરાનીનો છેલ્લો શૉટ શૅર કરતી વખતે ઇમોશનલ થઈ ગયો અક્ષય કુમાર
અક્ષય કુમાર અને અસરાની
દિવંગત ઍક્ટર અસરાનીની છેલ્લી ફિલ્મ ‘હૈવાન’ છે, જે ૧૧ સપ્ટેમ્બરે થિયેટરમાં રિલીઝ થવાની છે. આ ફિલ્મની રિલીઝને હવે ગણતરીના દિવસો બાકી રહ્યા છે ત્યારે અક્ષયે સોશ્યલ મીડિયામાં ‘હૈવાન’માંથી અસરાનીના છેલ્લા શૉટનો વિડિયો શૅર કર્યો છે. આ વિડિયો શૅર કરતાં અક્ષય કુમારે કહ્યું છે કે તે અસરાનીને ખૂબ યાદ કરે છે.
અક્ષય કુમારે વિડિયો શૅર કરીને લખ્યું છે : ‘આ મારું સૌભાગ્ય છે કે મને આ દિગ્ગજ કલાકાર સાથે કામ કરવાની અને ‘હૈવાન’માં તેમનો છેલ્લો શૉટ જોવાની તક મળી. અસરાનીજી, તમારી ખૂબ યાદ આવે છે. તમારા જેવું કોઈ નહીં બની શકે.’
