લંડનમાં કસીનોની બહાર મિસ્ટ્રી ગર્લ સાથે દેખાયો આર્યન ખાન, રિલેશનની ચર્ચા શરૂ

અહેવાલ મુજબ, સોશિયલ મીડિયા યુઝર્સે વીડિયોમાં યુવતીને વિની તકેર તરીકે ઓળખી છે. વીડિયોમાં, આર્યન ખાન અને વિની લંડનના કસિનોની બહાર જોવા મળે છે. જ્યારે બન્ને કારમાં બેસવાના હતા, ત્યારે એક વ્યક્તિ સૅલ્ફી લેવા માટે આર્યન પાસે આવે છે.

વાયરલ વીડિયોમાંથી સ્ક્રીનશૉટ (તસવીર: X)

બૉલિવૂડ ઍકટર શાહરૂખ ખાનનો પુત્ર આર્યન ખાન ફરી એકવાર પોતાના અંગત જીવનને લઈને ચર્ચામાં છે. હાલમાં લંડનનો એક વીડિયો સોશિયલ મીડિયા પર ખૂબ જ વાયરલ થઈ રહ્યો છે, જેમાં આર્યન ખાન એક ‘મિસ્ટ્રી ગર્લ’ સાથે જોવા મળી રહ્યો છે. આ વીડિયો વાયરલ થયા પછી, બન્ને વચ્ચે સંભવિત રિલેશનની અટકળો સોશિયલ મીડિયા પર શરૂ થઈ છે, જોકે આ દાવાઓની પુષ્ટિ થઈ નથી.

મિસ્ટ્રી ગર્લની ઓળખ અંગેની અટકળો

ADVERTISEMENT

અહેવાલ મુજબ, સોશિયલ મીડિયા યુઝર્સે વીડિયોમાં યુવતીને વિની તકેર તરીકે ઓળખી છે. વીડિયોમાં, આર્યન ખાન અને વિની લંડનના કસિનોની બહાર જોવા મળે છે. જ્યારે બન્ને કારમાં બેસવાના હતા, ત્યારે એક વ્યક્તિ સૅલ્ફી લેવા માટે આર્યન પાસે આવે છે. દરમિયાન, આર્યન અને આ છોકરી કારમાં બેસીને ભાગી જાય છે. આર્યન ખાને બ્લૅક રંગનું ટી-શર્ટ અને જીન્સ પહેર્યું હતું, જ્યારે આ છોકરીએ બ્લૅક રંગનો પોશાક, બ્લૅક જૅકેટ, જીન્સ અને બ્લૅક હીલ પહેરી હતી.

પ્રેમ વિશે સોશિયલ મીડિયાની અટકળો

વાયરલ વીડિયોએ તેમના સંબંધો વિશે ઓનલાઈન ચર્ચાઓ શરૂ કરી દીધી હતી. આ દરમિયાન, વિની તકેરે ઇન્સ્ટાગ્રામ પર તેના લંડન પ્રવાસની તસવીરો શૅર કરી છે, જેના કૅપ્શનમાં લખ્યું હતું, ‘લંડન, ily.’ જોકે તેણે પોસ્ટમાં આર્યન ખાનનો ઉલ્લેખ કર્યો નથી, પરંતુ ઘણા સોશિયલ મીડિયા યુઝર્સે તેને વાયરલ વીડિયો સાથે લિંક કર્યો છે. ચાહકોએ એ પણ નોંધ્યું છે કે આર્યન ખાન અને વિની તકેરે સોશિયલ મીડિયા પર એકબીજાને ફોલો કરે છે. હાલ સુધી, આર્યન ખાન કે વિની તકેરે સંબંધોની અફવાઓ કે વાયરલ વીડિયો પર કોઈ ટિપ્પણી કરી નથી.

ભૂતકાળમાં અન્ય લોકો સાથે રિલેશનની અટકળો

આ પહેલીવાર નથી જ્યારે આર્યન ખાનનું નામ કોઈની સાથે જોડાયું હોય. અગાઉ, તેનું નામ મોડેલ લારિસા બોનેસી સાથે જોડાયું હતું; જોકે, તે સમયે બન્ને તરફથી કોઈ સંબંધની પુષ્ટિ કરવામાં આવી ન હતી.

દિગ્દર્શક તરીકેની શરૂઆત

[EXCLUSIVE] Tipster who wants to remain anonymous sent us the video of Aryan and Vinnie at the casino! #AryanKhan#AryanKhanThoughts https://t.co/7uvMS4WOux pic.twitter.com/VunM4AEHx2

— Aryan Khan Thoughts (@AryanKhanThots) July 30, 2026

આર્યન ખાને અભિનય કરતાં દિગ્દર્શનનો માર્ગ પસંદ કર્યો છે. તેણે તાજેતરમાં નૅટફ્લિક્સ સિરીઝ ‘બૅડ્સ ઓફ બૉલિવૂડ’ સાથે દિગ્દર્શક તરીકેની શરૂઆત કરી હતી. આ શોનું નિર્માણ શાહરૂખ ખાન અને ગૌરી ખાન દ્વારા કરવામાં આવ્યું હતું. સાત એપિસોડની સિરીઝમાં બૉબી દેઓલ, લક્ષ્ય, રાઘવ જુયાલ, સહેર બમ્બા, મનોજ પાહવા, મોના સિંહ, મનીષ ચૌધરી, રજત બેદી, અન્યા સિંહ અને ગૌતમી કપૂર હતા, જ્યારે સલમાન ખાન, રણવીર સિંહ અને બાદશાહે નાનકડી ભૂમિકા ભજવી હતી.

શાહરુખ ખાનનું લંડનમાં ફૅમિલી-વેકેશન

શાહરુખ ખાન હાલમાં કામમાંથી બ્રેક લઈને પરિવાર સાથે લંડનમાં સમય પસાર કરી રહ્યો છે. હાલમાં તે પત્ની ગૌરી અને સંતાનો સુહાના, આર્યન તથા અબરામ સાથે ફરતો જોવા મળ્યો હતો. ખાન પરિવારની સાથે વિતાવેલી પળોની અનેક તસવીરો અને વિડિયો સોશ્યલ મીડિયામાં ચર્ચામાં છે. આ તસવીરોમાં ફૅન્સને ફિલ્મોના સેટથી દૂર શાહરુખનો એક અલગ જ અંદાજ જોવા મળ્યો છે. શાહરુખના આઉટિંગના વિડિયોમાં તે લંડનની સડકો પર કૅઝ્યુઅલ લુકમાં ફરતો જોવા મળે છે. તેણે બૅગી ટ્રાઉઝર, સાદું ટી-શર્ટ અને હૂડી પહેરી છે. તેની પાછળ આર્યન અને અબરામ ચાલતા જોવા મળે છે. અન્ય તસવીરોમાં ગૌરી અને સુહાના પણ તેની સાથે જોવા મળે છે. આ તસવીરોમાં કિંગ ખાન પોતાના પરિવાર સાથે ક્વૉલિટી સમય પસાર કરતો જોવા મળી રહ્યો છે. કહેવાય છે કે લંડનના પાર્ક લેન વિસ્તારમાં તેનું એક ભવ્ય ઘર પણ છે અને અહીં જ તે પોતાની રજાઓ ગાળે છે.