ફિલ્મના ટીઝરે દેશભરમાં ચર્ચા જગાવી છે. યોગગુરુ બાબા રામદેવના સમર્થન બાદ, અભિનેતા અજય દેવગણે પણ ફિલ્મને સમર્થન આપ્યું છે. અજય દેવગણે RSS ને તેના શતક પર અભિનંદન આપતા ટ્વીટ કર્યું, "RSS ને 100 વર્ષ પૂર્ણ કરવા બદલ ખૂબ ખૂબ અભિનંદન!"
આજે દેવગન અને તેણે કરેલી પોસ્ટ
રાષ્ટ્રીય સ્વયંસેવક સંઘ (RSS) ની 100મી વર્ષગાંઠ નિમિત્તે, `શતક: સંઘ કે 100 વર્ષ` નામની ફિલ્મનું ટીઝર રિલીઝ કરવામાં આવ્યું છે. આ ફિલ્મમાં સંઘની લાંબી સફર, તેની વિચારધારા અને રાષ્ટ્રનિર્માણમાં તેના યોગદાનને દર્શાવવામાં આવ્યું છે. સંઘના શતક વર્ષ સાથે આ ફિલ્મનો સમય તેને વધુ ખાસ બનાવે છે.
અજય દેવગણે આપ્યું સમર્થન
ADVERTISEMENT
ફિલ્મના ટીઝરે દેશભરમાં ચર્ચા જગાવી છે. યોગગુરુ બાબા રામદેવના સમર્થન બાદ, અભિનેતા અજય દેવગણે પણ ફિલ્મને સમર્થન આપ્યું છે. અજય દેવગણે RSS ને તેના શતક પર અભિનંદન આપતા ટ્વીટ કર્યું, "RSS ને 100 વર્ષ પૂર્ણ કરવા બદલ ખૂબ ખૂબ અભિનંદન! RSS એ આ 100 વર્ષોમાં રાષ્ટ્ર નિર્માણમાં મહત્ત્વપૂર્ણ યોગદાન આપ્યું છે. ફિલ્મ Shatak આ કાર્ય પર વધુ પ્રકાશ પાડવા માટે આવી રહી છે. અહીં તેની પહેલી ઝલક છે. શતકની આખી ટીમને મારી શુભકામનાઓ!"
RSS ko sau saal poore hone par dher saari badhaaiyan! Inn sau saalon mein rashtra nirmaan mein sangh ka bada yogdaan raha hai. Iss kaam par aur roshni daalne aa rahi hai film #Shatak ?
— Ajay Devgn (@ajaydevgn) February 3, 2026
Yeh rahi uski pehli jhalakhttps://t.co/yxZnzNUBAb
Shatak ke sampurn team ko meri ore se…
"ભગવા હૈ અપની પહેચાન" ગીતનું લૉન્ચિંગ
ફિલ્મનું પહેલું ગીત, ‘ભગવા હૈ અપની પહેચાન’, દિલ્હીના કેશવ કુંજ સ્થિત RSS મુખ્યાલયમાં RSS વડા ડૉ. મોહન ભાગવત અને ભૈયાજી જોશીની હાજરીમાં રિલીઝ કરવામાં આવ્યું. ફિલ્મનું ટીઝર આ વાક્યથી શરૂ થાય છે, "આ એક એવી વિચારધારાની વાર્તા છે જેને વર્ષોથી દૂર કરવાનો પ્રયાસ કરવામાં આવી રહ્યો છે." આ ફિલ્મનો હેતુ RSS વિશે સમાજમાં પ્રવર્તતી ગેરસમજો, ટીકાઓને ઐતિહાસિક અને તથ્યો સાથે ઉજાગર કરવાનો છે. ટીઝરમાં ડૉ. કેશવ બલિરામ હેડગેવાર અને ગુરુજી માધવ સદાશિવરાવ ગોલવલકર જેવા મહત્ત્વપૂર્ણ નેતાઓના યોગદાનને પણ પ્રકાશિત કરવામાં આવ્યું છે, જેમની ભૂમિકાઓને ક્યારેય યોગ્ય રીતે ઓળખવામાં આવી નથી. લોકમાન્ય તિલક અને મહાત્મા ગાંધી જેવા નેતાઓનો પણ ઉલ્લેખ છે.
ફિલ્મનું દિગ્દર્શન અને નિર્માણ
આ ફિલ્મનું દિગ્દર્શન આશિષ મલ્લ દ્વારા કરવામાં આવ્યું છે અને વીર કપૂર દ્વારા નિર્મિત છે. આશિષ મલ્લે આ ફિલ્મને તેમની વ્યક્તિગત યાત્રા ગણાવી હતી અને કહ્યું હતું કે તેના પર કામ કરતી વખતે, તેમણે સંઘના ઘણા પાસાઓ શોધી કાઢ્યા હતા જેની ભાગ્યે જ ચર્ચા થાય છે. તેમણે કહ્યું હતું કે ફિલ્મનો મુખ્ય ઉદ્દેશ્ય સમાજમાં રહેલી ગેરમાન્યતાઓને સચોટ રીતે ઉજાગર કરવાનો હતો. વીર કપૂરે કહ્યું કે 1875 થી 1950 સુધી શરૂ થયેલા તમામ આંદોલનોમાં, સંઘ એકમાત્ર સંગઠન હતું જેણે કોઈ પણ વિક્ષેપ વિના પોતાનું કાર્ય ચાલુ રાખ્યું. ફિલ્મની ટૅગલાઇન, ‘ના રુકે, ના તિર્કે, ના ઝુકે,’ આ આત્મનિર્ભર અને સમર્પિત ભાવનાને પ્રતિબિંબિત કરે છે.‘શતક: સંઘ કે 100 વર્ષ’ રાષ્ટ્ર નિર્માણ અને સામૂહિક સેવાના વિચારને પુનર્જીવિત કરવાનો પ્રયાસ કરે છે. આ ફિલ્મ 19 ફેબ્રુઆરી, 2026 ના રોજ સમગ્ર ભારતના સિનેમાઘરોમાં રિલીઝ થશે.
