સોનુ નિગમે BKCમાં ૩૦૮૨ સ્ક્વેર ફુટની કમર્શિયલ પ્રૉપર્ટી ₹૧૮ કરોડમાં વેચી હોવાના રિપોર્ટ છે. તેમણે આ જગ્યા ૨૦૨૩માં ₹૧૪.૩૦ કરોડમાં ખરીદી હતી. આમ, આ ડીલમાં તેમને ₹૩.૭૦ કરોડનો ફાયદો થયો હોવાનું કહેવાય છે.
સોનુ નિગમ
સોનુ નિગમે બાંદરા-કુર્લા કૉમ્પ્લેક્સમાં ૩૦૮૨ સ્ક્વેર ફુટની કમર્શિયલ સ્પેસ ૧૮ કરોડ રૂપિયામાં વેચી હોવાના રિપોર્ટ છે. સોનુએ આ જ કમર્શિયલ સ્પેસ ૨૦૨૩માં ૧૪.૩૦ કરોડ રૂપિયામાં ખરીદી હતી. આમ તેને આ ડીલમાં ૩.૭૦ કરોડ રૂપિયાનો ફાયદો થયો છે.
આ પ્રૉપર્ટી બાંદરા-કુર્લા કૉમ્પ્લેક્સના ટ્રેડ સેન્ટરના ગ્રાઉન્ડ ફ્લોર પર આવેલી છે. દસ્તાવેજો અનુસાર આ ટ્રાન્ઝૅક્શન ૪ સપ્ટેમ્બરે થયું હતું. દસ્તાવેજો પ્રમાણે આ પ્રૉપર્ટીનો કાર્પેટ એરિયા ૩૦૮૨ સ્ક્વેર ફુટ છે અને એની ડીલ ૧૮ કરોડ રૂપિયામાં થઈ છે.
કૈલાશ ખેરે બાંદરા-કુર્લા કૉમ્પ્લેક્સમાં આવેલી પોતાની ઑફિસ-સ્પેસ ૧૦.૭૫ કરોડમાં વેચી
ADVERTISEMENT
કૈલાશ ખેરે મુંબઈના બાંદરા-કુર્લા કૉમ્પ્લેક્સમાં આવેલી પોતાની કમર્શિયલ ઑફિસ-સ્પેસ ૧૦.૭૫ કરોડ રૂપિયામાં વેચી દીધી છે. કૈલાશ ખેરે આ ઑફિસ-સ્પેસ ગયા વર્ષે નવેમ્બરમાં જ ૧૦.૫૦ કરોડ રૂપિયામાં ખરીદી હતી અને ખરીદીના માત્ર ૧૦ મહિનાની અંદર જ તેણે આ પ્રૉપર્ટી વેચી દીધી છે. કૈલાસ ખેરને આ ડીલમાં પચીસ લાખ વધુ મળ્યા છે. કૈલાશ ખેરની આ ઑફિસ બાંદરા-કુર્લા કૉમ્પ્લેક્સના ‘ટ્રેડ સેન્ટર’ના સાતમા માળે આવેલી છે. ૨૬૧૯ સ્ક્વેર ફુટ કાર્પેટ એરિયા ધરાવતી આ ઑફિસ સાથે એક કાર પાર્કિંગ સ્પેસ પણ છે.
