Jayaka Yagnik on being pregnant first time: જયકા યાજ્ઞિકે તેની પ્રેગ્નેન્સી વિશે જણાવતાં કહ્યું કે, “તાજેતરમાં, અમદાવાદમાં એક બેબી શાવરનું આયોજન કરવામાં આવ્યું હતું, જેમાં અમારા પરિવારના સભ્યો અને નજીકના મિત્રોએ હાજરી આપી હતી. બાળક મે મહિનામાં આવશે.
જયકા યાજ્ઞિક અને તેના પતિ સ્મિત બાવરિયા (તસવીર: ઇન્સ્ટાગ્રામ)
બૉલિવૂડ ફિલ્મો અનેક ટીવી સિરિયલ અને ટીવી જાહેરાતોમાં જોવા મળતી ગુજરાતી અભિનેત્રી જયકા યાજ્ઞિકે થોડા સમય પહેલા તેની પ્રેગનેન્સીની જાહેરાત કરી હતી. જયકા તેના પહેલા બાળકને લઈને ખૂબ જ એક્સાઈટેડ જોવા મળી રહી છે. લગ્ન બાદ પોતાના પહેલી વખત માતા બનવા અંગે જયકાએ પોતાનો અનુભવ જણાવ્યો હતો.
જયકા યાજ્ઞિક અને તેના પતિ સ્મિત બાવરિયા, જે એક આંખોના ડૉક્ટર અને સર્જન છે, તેમણે 2021 માં લગ્ન કરી લીધા હતા. લગ્ન બાદ તેઓ પહેલી વખત માતા-પિતા બનવા માટે તૈયાર છે અને તેની જાહેરાત બન્નેએ કરી હતી. ‘હલકે ફૂલકે’, ‘વૉસપ ઝિંદગી’, ‘મુર છું યારોં’ અને ‘આપને તો ભાઈ’ જેવી ગુજરાતી ફિલ્મ અને ‘છુટા છેડા’ અને ‘નરસિંહ મહેતા’ જેવા ગુજરાતી ટીવી શોમાં જયકા યાજ્ઞિક જોવા મળી હતી.
ADVERTISEMENT
જયકા યાજ્ઞિકે તેની પ્રેગ્નેન્સી વિશે જણાવતાં કહ્યું કે, “તાજેતરમાં, અમદાવાદમાં એક બેબી શાવરનું આયોજન કરવામાં આવ્યું હતું, જેમાં અમારા પરિવારના સભ્યો અને નજીકના મિત્રોએ હાજરી આપી હતી. બાળક મે મહિનામાં આવવાનું છે, અને હું માતા બનવા માટે ખૂબ જ ઉત્સુક છું.”
View this post on Instagram
‘તે એક ચમત્કાર જેવું લાગે છે’
ગુજરાતી અભિનેત્રીએ કહ્યું કે “મને ફાઇબ્રોઇડ્સ અને એન્ડોમેટ્રિઓસિસ હતા અને ડૉકટરોએ કહ્યું હતું કે આ સ્વાસ્થ્ય સમસ્યાઓને કારણે, હું કુદરતી રીતે ગર્ભધારણ કરી શકીશ તેવી શક્યતા ખૂબ જ ઓછી હતી. તેથી, હું ગર્ભવતી થઈ એક મને એક ચમત્કાર જેવું લાગે છે અને આ ભગવાન તરફથી મળેલી ભેટ જેવું છે. હું તે બધા યુગલોને કહેવા માગુ છું જેઓ આ સાથે સંઘર્ષ કરી રહ્યા છે તેઓ ક્યારેય આશા ન છોડે, ચમત્કાર માટે હંમેશા અવકાશ રહે છે.”
“સ્મિત અને હું હંમેશા માતા-પિતા બનવા માગતા હતા, પરંતુ અમે બાળક માટે ખૂબ જ પ્રયત્નશીલ નહોતા. આ અચાનક બન્યું અને અમે વધુ ખુશ થઈ શક્યા નહીં! ગયા વર્ષે, હું તહેવારના નવ દિવસોમાં નવરાત્રિ કાર્યક્રમનું સંચાલન કરી રહી હતી. નવરાત્રિ પૂરી થયા પછી પણ, હું થાકી ગઈ હતી અને ત્યારે જ અમે થોડા પરીક્ષણો કરાવવાનું નક્કી કર્યું. નવેમ્બરમાં, મને ખબર પડી કે હું ગર્ભવતી છું”, જયકાએ ઉમેર્યું.
‘હું માતૃત્વ માટે તૈયાર છું’
“માતૃત્વ મારા જીવનમાં એક સંપૂર્ણપણે નવો અધ્યાય હશે, પરંતુ હું તેના માટે તૈયાર છું. લગભગ 15 વર્ષથી, હું મારી જાતે મુંબઈમાં જીવી રહી છું અને હું ક્યારેય બીજા વ્યક્તિ માટે જવાબદાર નહોતી. હવે બધું બદલાઈ જશે અને ઘણી જવાબદારીઓ હશે, પરંતુ હું તેની રાહ જોઈ રહી છું. મેં વાલીપણાના પુસ્તકો પણ વાંચવાનું શરૂ કર્યું છે”, એમ પણ જયકાએ કહ્યું.
