છેલ્લા 18 વર્ષોમાં, `તારક મહેતા કા ઉલ્ટા ચશ્મા` એ કૉમેડી, યાદગાર પાત્રો અને સામાજિક સંદેશાઓ દ્વારા પોતાના માટે એક અનોખું સ્થાન બનાવ્યું છે. ગોકુલધામ સોસાયટી હવે તેના 19મા વર્ષમાં પ્રવેશ કરતી વખતે એક નવા અવતારમાં દેખાશે.
તારક મહેતા કા ઉલ્ટા ચશ્મા`ના કલાકારો
ભારતીય ટેલિવિઝનનો સૌથી લાંબો સમય ચાલતો સિટકોમ અને લોકપ્રિય કૌટુંબિક શો, `તારક મહેતા કા ઉલ્ટા ચશ્મા` (TMKOC) 18 વર્ષ પૂર્ણ થાય છે. આ પ્રસંગે, સોની સબ અને નીલા ફિલ્મ પ્રોડક્શન્સે 18 દિવસની ખાસ ઉજવણીની જાહેરાત કરી છે, જેમાં દર્શકો માટે વિવિધ પ્રવૃત્તિઓનો સમાવેશ થાય છે. નીલા ફિલ્મ પ્રોડક્શન્સના બૅનર હેઠળ અસિત કુમાર મોદી દ્વારા નિર્મિત અને સોની સબ પર પ્રસારિત, શોની 18મી વર્ષગાંઠની ઉજવણીમાં ચાહકો માટે ખાસ અનુભવો, રાષ્ટ્રવ્યાપી કૌટુંબિક સ્પર્ધા અને ખાસ-એડિશન સ્મારકનું લૉન્ચિંગ સામેલ છે. 18મી વર્ષગાંઠની ઉજવણીના ભાગ રૂપે, 28 જુલાઈએ પોતાનો જન્મદિવસ શૅર કરનારા 40 ચાહકોનું સન્માન કરવામાં આવશે. વધુમાં, `TMKOC ફૅમિલી કૉન્ટેસ્ટ` યોજાશે.
ગોકુલધામ સોસાયટી એક નવા લૂકમાં
ADVERTISEMENT
View this post on Instagram
છેલ્લા 18 વર્ષોમાં, `તારક મહેતા કા ઉલ્ટા ચશ્મા` એ કૉમેડી, યાદગાર પાત્રો અને સામાજિક સંદેશાઓ દ્વારા પોતાના માટે એક અનોખું સ્થાન બનાવ્યું છે. ગોકુલધામ સોસાયટી હવે તેના 19મા વર્ષમાં પ્રવેશ કરતી વખતે એક નવા અવતારમાં દેખાશે. જોકે, શોની મુખ્ય ભાવના અને કુટુંબલક્ષી વાતાવરણ યથાવત રહેશે. વર્ષોથી, શોએ પર્યાવરણીય સંરક્ષણ, ડિજિટલ સેફટી, નાગરિક જવાબદારી અને સામાજિક સંવાદિતા જેવા વિષયોને રમૂજ દ્વારા દર્શકો સુધી અસરકારક રીતે પહોંચાડ્યા છે. સોની સબના ચીફ કન્ટેન્ટ ઓફિસર અજય ભાલવણકરે જણાવ્યું હતું કે, "સોની સબ ખાતે, અમે હંમેશા માનીએ છીએ કે સારી વાર્તાઓમાં પરિવારોને એકસાથે લાવવાની શક્તિ હોય છે, અને `તારક મહેતા કા ઉલ્ટા ચશ્મા` એ છેલ્લા 18 વર્ષોમાં આ માન્યતાને ખરેખર માન્ય રાખી છે. આ શોએ દેશભરના લાખો ઘરોમાં ખુશી અને સકારાત્મકતા લાવી છે અને ભારતના સૌથી પ્રિય સિટકોમમાંના એક તરીકે પોતાનું સ્થાન બનાવ્યું છે. અસિત કુમાર મોદી અને નીલા ફિલ્મ પ્રોડક્શન્સ સાથેની અમારી ભાગીદારી અમારા માટે અમૂલ્ય રહી છે. આ સફર શક્ય બનાવનાર દરેક દર્શકના અમે આભારી છીએ. જેમ જેમ આ શો તેના 19મા વર્ષમાં પ્રવેશ કરી રહ્યો છે, તેમ તેમ અમે તેના ભવ્ય વારસાને આગળ વધારવા અને દેશભરના પરિવારો માટે ખુશીની ઘણી વધુ ક્ષણો લાવવા માટે ઉત્સાહિત છીએ."
View this post on Instagram
અસિત કુમાર મોદીએ શું કહ્યું?
નીલા ફિલ્મ પ્રોડક્શન્સ પ્રાઇવેટ લિમિટેડના સ્થાપક અસિત કુમાર મોદીએ કહ્યું, "18 વર્ષ પૂર્ણ કરવા એ આપણા બધા માટે અપાર લાગણી અને ગર્વની ક્ષણ છે. `તારક મહેતા કા ઉલ્ટા ચશ્મા` એ સરળ માન્યતા સાથે શરૂ થયું હતું કે હાસ્ય લોકોને એક કરવા માટે સૌથી મોટી શક્તિ છે. ત્યારબાદ પ્રેક્ષકો તરફથી મળેલો પ્રેમ અને પોતાનુંપણું અમારી અપેક્ષાઓ કરતાં ઘણું વધારે હતું. લાખો દર્શકોના સ્નેહે આ શોને ભારતીય પરિવારોના રોજિંદા જીવનનો અભિન્ન ભાગ બનાવ્યો છે. હું દરેક દર્શક, સમગ્ર કલાકારો અને ટૅકનિકલ ટીમ, સોની સબ અને આ સફર સાથે સંકળાયેલા દરેક વ્યક્તિનો ખૂબ ખૂબ આભારી છું. જેમ જેમ આપણે આપણા 19 મા વર્ષમાં પ્રવેશ કરી રહ્યા છીએ, તેમ તેમ અમારો સંકલ્પ એ જ રહે છે - દરેક ઘરમાં સ્મિત, આશા અને એકતાની ભાવના લાવવાનું ચાલુ રાખવાનો." આ 18મી વર્ષગાંઠનો કાર્યક્રમ શોની અત્યાર સુધીની સફરની ઉજવણી કરે છે અને સાથે સાથે એક નવા અધ્યાયની શરૂઆત પણ કરે છે. નવી વાર્તાઓ અને નવા અનુભવો સાથે, `તારક મહેતા કા ઉલ્ટા ચશ્મા` તેના પ્રેક્ષકોનું મનોરંજન કરતું રહેશે. આ શો સોમવારથી શનિવાર રાત્રે 8:30 વાગ્યે સોની સબ પર ટેલિકાસ્ટ થાય છે.
