° °

આજનું ઇ-પેપર
Wednesday, 01 December, 2021


તો આ કારણે વોટ્સએપ, ફેસબુક અને ઇન્સ્ટાગ્રામની બત્તી ૬ કલાક ગુલ રહી

05 October, 2021 12:44 PM IST | Mumbai | Gujarati Mid-day Online Correspondent

ફેસબુક ઉપરાંત, ઇન્સ્ટાગ્રામ, વોટ્સએપ અને ઓક્યુલસ પણ લગભગ છ કલાક માટે સંપૂર્ણપણે અટકી ગયા હતા.

પ્રતિકાત્મક તસવીર. ફોટો/આઈસ્ટોક

પ્રતિકાત્મક તસવીર. ફોટો/આઈસ્ટોક

ગત રાત્રે લગભગ ૯ વાગ્યા આસપાસ વોટ્સએપ, ફેસબુક અને ઇન્સ્ટાગ્રામના સર્વર અચાનક ડાઉન થઈ જતા દુનિયાભરના કરોડો વપરાશકર્તાઓએ ભારે હાલાકીનો સામનો કરવો પડ્યો હતો. “ત્રણ વખત ફોન બંધ કર્યો, ચાર વખત ફ્લાઇટ મોડ પે નાખી ચાલુ કર્યો, બાદમાં જાણવા મળ્યું કે ફેસબુક, વોટ્સએપ અને ઇન્સ્ટાગ્રામ બંધ છે.” આ મેસેજ ગઈકાલ રાતથી જ સોશિયલ મીડિયા પર વાયરલ થયો હતો.

ફેસબુક ઉપરાંત, ઇન્સ્ટાગ્રામ, વોટ્સએપ અને ઓક્યુલસ પણ લગભગ છ કલાક માટે સંપૂર્ણપણે અટકી ગયા હતા. મોડી રાત્રે ફેસબુકે કહ્યું કે કેટલીક સેવાઓનો વપરાશકર્તાઓ ઉપયોગ કરી શકે છે. કંપનીએ માફી તો માગી હતી, પરંતુ સમસ્યા કેમ સર્જાઈ તેનું કારણ જણાવ્યું ન હતું. ચાલો સમજીએ કે અત્યાર સુધી જે ચિત્ર સામે આવ્યું છે તે શું રજૂ કરી રહ્યું છે.

અહેવાલો સૂચવે છે કે આ સર્વર ડાઉન દરમિયાન ફેસબુકની આંતરિક એપ્લિકેશનોએ પણ કામ કરવાનું બંધ કરી દીધું છે. કંપનીની પોતાની ઇમેઇલ સિસ્ટમ પણ અટકી પડી હતી. બ્લૂમબર્ગે અહેવાલ આપ્યો છે કે કંપનીના કેલિફોર્નિયા કેમ્પસમાં કર્મચારીઓ ઓફિસો અને કોન્ફરન્સ રૂમ સુધી પહોંચવામાં પણ અસમર્થ હતા, કારણ કે ત્યાં જવા માટે સુરક્ષા બેજ (એક પ્રકારનું સિક્યોરિટી કાર્ડ અથવા એક્સેસ કાર્ડ) જરૂરી છે.

ફેસબુકે તકનીકી ખામી તો સ્વીકારી, પરંતુ તેનું કારણ અને કેટલા યુઝર્સને અસર થઈ તે સ્પષ્ટ કર્યું નથી. જોકે, રોઇટર્સે ફેસબુકના ઘણા કર્મચારીઓને ટાંકીને કહ્યું કે તેઓ માને છે કે આંતરીક રાઉટિંગમાં ભૂલને કારણે આઉટેજ થયું છે. ઘણા સુરક્ષા નિષ્ણાતોના મતે ફેસબુક, વોટ્સએપ અને ઇન્સ્ટાગ્રામ ડાઉન થવું એ એક આંતરિક ભૂલ હતી.

ફેસબુકના વેબપેજ પર, ડોમેન નેમ સિસ્ટમ (DNS) એરર દર્શાવતું હતું. વાયર્ડના એક અહેવાલ મુજબ, જો DNS રેકોર્ડ સાથે ચેડા કરવામાં આવે તો વેબસાઇટ સાથે કનેક્ટ કરવું અશક્ય બની શકે છે. ક્લાઉડફેયર સીટીઓ જ્હોન ગ્રેહામ-કમિંગે વાયર્ડને જણાવ્યું હતું કે ફેસબુકે કૉંફિગ્રેશનમાં ગરબડ કરી હોવાનું જણાય છે. તેમણે કહ્યું કે “ફેસબુકે તેના રાઉટર્સ સાથે કંઈક કર્યું હોય તેવું લાગે છે, જેનાથી ફેસબુક નેટવર્ક ઈન્ટરનેટ સાથે જોડાય છે.”

ઉલ્લેખનીય છે કે મંગળવારે વહેલી સવારે વોટ્સએપે ટ્વિટર પર માહિતી આપી હતી કે તેમની તમામ સેવાઓ ફરી ૧૦૦ ટકા ક્ષમતા સાથે પૂર્વવત થઈ ગઈ છે.

05 October, 2021 12:44 PM IST | Mumbai | Gujarati Mid-day Online Correspondent

અન્ય લેખો

સાયન્સ એન્ડ ટૅક્નોલૉજી

ઇન્સ્ટાગ્રામનું આ ફીચર આવ્યું વોટ્સએપ પર, તમે જોયું કે નહીં?

આ વર્ઝનમાં નવા ફીચર વિશે જાણવા મળ્યું છે. આ નવું ફીચર ઇન્સ્ટાગ્રામમાં પહેલાથી જ મોજુદ એક અદ્ભુત ફીચર છે, જે ટૂંક સમયમાં જ WhatsApp પર દસ્તક આપવા જઈ રહ્યું છે.

29 November, 2021 07:37 IST | Mumbai | Gujarati Mid-day Online Correspondent
સાયન્સ એન્ડ ટૅક્નોલૉજી

એરટેલ અને વોડાફોન બાદ Jioએ આપ્યો ઝટકો, પ્રીપેડ પ્લાનના ભાવ 20% વધાર્યા

જિયોએ રવિવારે તેના કેટલાક પસંદ કરેલા પ્રીપેડ પ્લાનની કિંમતોમાં વધારો કરવાની જાહેરાત કરી હતી.

28 November, 2021 08:56 IST | Mumbai | Gujarati Mid-day Online Correspondent
સાયન્સ એન્ડ ટૅક્નોલૉજી

વૉટ્સઍપ પર બૅન ન થવું હોય તો આ ઍપ્સથી દૂર રહો

થર્ડ પાર્ટી દ્વારા મૉડિફાઇ કરેલી વૉટ્સઍપ પ્લસ, વૉટ્સઍપ ડેલ્ટા અને જીબીવૉટ્સઍપ જેવી ઍપ્લિકેશન યુઝ કરનાર યુઝર્સના નંબરને હંમેશ માટે આ ઍપ્લિકેશનથી દૂર કરવામાં આવશે

26 November, 2021 07:06 IST | Mumbai | Harsh Desai

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK