° °

આજનું ઇ-પેપર
Sunday, 26 June, 2022


રાજકોટમાં મેઘરાજાની ફટકાબાજી, આજે દ​િક્ષણ ગુજરાતનો વારો

25 May, 2022 09:42 AM IST | Mumbai
Gujarati Mid-day Correspondent | feedbackgmd@mid-day.com

અડધા ઇંચ જેટલા વરસાદમાં તો રાજકોટમાં કંઈકેટલાય વિસ્તારો પાણી-પાણી થઈ ગયા: ગ્રામ્ય વિસ્તારોમાં પણ પડ્યો કમોસમી વરસાદ

રાજકોટમાં ગઈ કાલે સમી સાંજે વરસાદી ઝાપટું પડ્યા બાદ અનેક વિસ્તારોમાં પાણી ભરાયાં હતાં તો સાથે જ અનેક વૃક્ષ ધરાશાયી થઈ ગયાં હતાં, જેના કારણે લોકો મુશ્કેલીમાં મુકાયા હતા. અનેક જગ્યાઓએ અવરજવર બંધ થઈ ગઈ હતી.

રાજકોટમાં ગઈ કાલે સમી સાંજે વરસાદી ઝાપટું પડ્યા બાદ અનેક વિસ્તારોમાં પાણી ભરાયાં હતાં તો સાથે જ અનેક વૃક્ષ ધરાશાયી થઈ ગયાં હતાં, જેના કારણે લોકો મુશ્કેલીમાં મુકાયા હતા. અનેક જગ્યાઓએ અવરજવર બંધ થઈ ગઈ હતી.


અમદાવાદ : સૌરાષ્ટ્રના વડામથક રાજકોટમાં ગઈ કાલે સમી સાંજે ધોધમાર વરસાદી ઝાપટું પડતાં શહેરમાં ઠંડક પ્રસરી જવા પામી હતી. જોકે અંદાજે અડધા ઇંચ જેટલા વરસાદમાં તો રાજકોટમાં કંઈ કેટલાય વિસ્તારો પાણી-પાણી થઈ ગયા હતા. બીજી તરફ હવામાન વિભાગે આગાહી કરી છે કે આજે અને આવતી કાલે દક્ષિણ ગુજરાતમાં નવસારી, વલસાડ અને દમણ, દાદરા નગર હવેલી વિસ્તારમાં હળવો વરસાદ પડશે. ગઈ કાલે સવારે રાજકોટમાં ધીમી ધારે વરસાદ પડ્યો હતો, પરંતુ સાંજે તો જાણે કે શહેરમાં ચોમાસું બેસી ગયું હોય તેવો માહોલ સર્જાયો હતો. આકાશમાં વાદળો છવાઈ ગયાં હતાં અને પવન ફુંકાયો હતો. રાજકોટવાસીઓ કંઈ સમજે તે પહેલાં તો પવનની સાથે વરસાદનું જોરદાર ઝાપટું તૂટી પડ્યું હતું. ગાજવીજ સાથે પડેલા વરસાદના કારણે રાજકોટમાં કુવાડવા રોડ, યુનિવર્સિટી રોડ, આજી ડૅમ, મોરબી રોડ, ઢેબર રોડ, યાજ્ઞિક રોડ સહિતના વિસ્તારોમાં ઝપાટાબંધ પડેલા વરસાદથી પાણી ભરાઈ ગયાં હતાં. ખાસ કરીને રાજકોટમાં નીચાણવાળા વિસ્તારોમાં વરસાદી પાણી ભરાઈ જતાં વાહનચાલકો અને રાહદારીઓને તકલીફ વેઠવાનો વારો આવ્યો હતો. જોકે આ તકલીફની વચ્ચે બીજી તરફ વરસાદી ઝાપટું પડતાં રાજકોટવાસીઓને ગરમી અને બફારામાંથી ઠંડક મળી હતી. વરસાદની સાથે પવન પણ ફુંકાતો હોવાથી ગરમીના પ્રમાણમાં ઘટાડો નોંધાયો હતો. રાજકોટ શહેરની સાથે સાથે રાજકોટની આસપાસના ગ્રામ્ય વિસ્તારોમાં પણ વરસાદ પડ્યો હતો. આ કમોસમી વરસાદના પગલે ખેડૂતોના જીવ તાળવે ચોંટ્યા હતા. વરસાદ પડતાં ઉનાળુ પાકને અસર થવાની ભીતી ખેડૂતોમાં ફેલાઈ છે અને તેના કારણે ખેડૂતોની ચિંતામાં વધારો થયો હતો.

25 May, 2022 09:42 AM IST | Mumbai | Gujarati Mid-day Correspondent

અન્ય લેખો

ગુજરાત સમાચાર

ગુજરાત ATSએ તીસ્તા સેતલવાડને અમદાવાદ ક્રાઈમ બ્રાન્ચને સોંપ્યા, જાણો વધુ

ગુજરાત ATSએ સામાજિક કાર્યકર તિસ્તા સેતલવાડને મુંબઈથી કસ્ટડીમાં લીધા બાદ આજે વહેલી સવારે અમદાવાદ પોલીસની ક્રાઈમ બ્રાન્ચને સોંપ્યા હતા. તિસ્તાને આજે કોર્ટમાં રજૂ કરવામાં આવશે. અગાઉ તિસ્તાનું મેડિકલ થયું હતું.

26 June, 2022 02:29 IST | Mumbai | Gujarati Mid-day Online Correspondent
ગુજરાત સમાચાર

૧૩ બાળકો સહિત ૧૦૦ લોકો માટે ફાયર ફાઇટર્સ બન્યા દેવદૂત

અમદાવાદમાં પરિમલ ગાર્ડન પાસેના કૉમ્પ્લેક્સમાં આગ : ફસાયેલા લોકોને બચાવવા તેમને ટેરેસ પર લઈ જવાયા અને ત્યાંથી સ્નૉર્કેલની મદદથી સહીસલામત નીચે ઉતારાયા

26 June, 2022 09:38 IST | Ahmedabad | Shailesh Nayak
ગુજરાત સમાચાર

ગુજરાતમાં માણો ડાયનોસૉર વર્લ્ડ

મહિસાગર જિલ્લાના બાલાસિનોર પાસે આવેલા રૈયોલીમાં દેશના પ્રથમ ફોસિલ પાર્કમાં ડાયનોસૉર મ્યુઝિયમ ફેઝ–2નું આજે ગુજરાતના મુખ્ય પ્રધાન ભૂપેન્દ્ર પટેલ કરશે લોકાર્પણ

26 June, 2022 09:16 IST | Ahmedabad | Shailesh Nayak

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK