આ આગાહીને કારણે ખેડૂતોમાં ચિંતાનું મોજું ફરી વળ્યું છે. એટલું જ નહીં, ગઈ કાલે કોડીનાર અને મહીસાગર પંથકમાં કમોમસી વરસાદ પડ્યો હતો.
પ્રતીકાત્મક તસવીર
ગુજરાતમાં ફરી એક વાર કમોસમી વરસાદ પડવાની આગાહી હવામાન વિભાગે કરી છે. આ આગાહીને કારણે ખેડૂતોમાં ચિંતાનું મોજું ફરી વળ્યું છે. એટલું જ નહીં, ગઈ કાલે કોડીનાર અને મહીસાગર પંથકમાં કમોમસી વરસાદ પડ્યો હતો.
હવામાન વિભાગે કરેલી કમોસમી વરસાદની આગાહીને કારણે મહેસાણા જિલ્લા બાગાયત વિભાગે ઉત્તર ગુજરાતના ખેડૂતો માટે ચેતવણી જાહેર કરી છે. એમાં હવામાન વિભાગ દ્વારા ત્રણથી ૭ ફેબ્રુઆરી દરમ્યાન વાદળછાયું વાતાવરણ રહેવાની સાથે જિલ્લામાં ક્યાંક હળવા કમોસમી વરસાદની શક્યતા સેવાઈ રહી છે. આ સંજોગોમાં હાલમાં આંબા પર મોર આવવાના તબક્કે તેમ જ શાકભાજીના ઊભા પાકને નુકસાન થવાની સંભાવના હોવાથી સમયસર તકેદારીનાં પગલાં લેવા અપીલ કરી હતી.
