° °

આજનું ઇ-પેપર
Thursday, 19 May, 2022


જે દોરીથી કોથળો સિવાયો તેની પરથી પોલીસને બાંગ્લાદેશી એક્ટરની હત્યાનું પગેરું મળ્યું

20 January, 2022 01:46 PM IST | Mumbai
Gujarati Mid-day Online Correspondent | gmddigital@mid-day.com

ઢાકાના DSP (ડેપ્યુટી સુપરિન્ટેન્ડેન્ટ ઑફ પોલીસ) મારુફ હુસૈન સરદારે પ્રેસ-કોન્ફરન્સમાં કહ્યું હતું કે આ હત્યા પારિવારિક ઝઘડાને કારણે થઈ હતી.

તસવીર સૌજન્ય (સોશિયલ મીડિયા)

તસવીર સૌજન્ય (સોશિયલ મીડિયા)

બાંગ્લાદેશી (Bangladesh) એક્ટ્રેસ રાયમા ઈસ્લામ શિમુની (Actor Raima Islma Shimu) લાશ મંગળવારે મળી. તેની લાશ કોથળામાં ભરેલી હતી અને બે ટૂકડામાં હતી. , પોલીસે શંકાના આધારે પતિ શખાવત અલીની ધરપકડ કરી હતી. પોલીસ પૂછપરછમાં શખાવતે પોતાના મિત્ર સાથે મળીને રાયમાની હત્યા કરી હોવાનું કબૂલ કર્યું હતું.

ઢાકાના DSP (ડેપ્યુટી સુપરિન્ટેન્ડેન્ટ ઑફ પોલીસ) મારુફ હુસૈન સરદારે પ્રેસ-કોન્ફરન્સમાં કહ્યું હતું કે આ હત્યા પારિવારિક ઝઘડાને કારણે થઈ હતી.

રાયમા તથા શખાવતના લવ મેરેજને 16 વર્ષ થઈ ચૂક્યાં હતાં. તેમને 2 સંતાન છે 45 વર્ષીય રાયમાએ 1998માં ફિલ્મી કારકિર્દી શરૂ કરી હતી. રવિવાર, 16 જાન્યુઆરીના રોજ રાયમા શૂટિંગ માટે જવાનું કહીને ઘરેથી નીકળી હતી. જ્યારે તે પરત ના ફરી તો તેની બહેન ફાતિમા નિશા તથા ભાઈ શાહિદુલ ઈસ્લામે પોલીસ ફરિયાદ કરી હતી. હત્યારા પતિએ પણ 17 જાન્યુઆરીના રોજ પત્ની ગુમ થઈ ગઈ હોવાની ફરિયાદ કરી હતી.

બાંગ્લાદેશ પોલીસની અધિકૃત વેબસાઇટ પર જણાવ્યા અનુસાર પ્રમાણે, શખાવતે રવિવાર (16 જાન્યુઆરી)ના રોજ રાયમાની હત્યા સવારે 8 વાગ્યાની આસપાસ ગળું દબાવીને કરી હતી. ત્યાર બાદ તેણે પોતાના મિત્ર ફરહાદને ફોન કરીને બોલાવ્યો હતો. બંનેએ લાશના ટૂકડા કરી કોથળામાં નાખી પ્લાસ્ટિકના કોથળાને દોરીથી સીવી લીધો. લાશ ફેંકતા પહેલાં શખાવતે નોકરને નાસ્તો લેવાના બહાને ઘરની બહાર મોકલ્યો. લાશ ગાડીમાં મૂકી અને મીરપુર તરફ ગયા. લોકોની અવર જવર કે કોઇ બીજા કારણે તેઓ લાશ ન ફેંકી શક્યા અને લાશ લઇને ઘરે આવ્યા. સાંજે ફરી ઢાકાથી મોહમ્મદપુરા વિસ્તારની આગળ કૈરાનીગંજ તરફ ગયા. અહીં રાત્રે સાડા નવ વાગે લાશને ઝાડીઓમાં ફેંકીને પાછા આવી ગયા હતા.

24 કલાકની અંદર જ પોલીસે આ કેસ સોલ્વ કરી નાખ્યો હતો. પોલીસને હત્યાકાંડની કડી પ્લાસ્ટિકની દોરીથી મળી હતી. પોલીસ જ્યારે રાયમાના ઘરે આવી તો તે જ દોરીનું આખું બંડલ પતિ શખાવતની કારમાંથી મળ્યું હતું. પોલીસે આગળ કહ્યું હતું કે લાશને ઝાડીઓમાં ફેંકી આવ્યા બાદ શખાવતે કાર ધોઈ હતી. ડેડબૉડી તથા લોહીની દુર્ગંધ ના આવે તે માટે બ્લીચિંગ પાઉડરથી કાર સાફ કરી હતી. પોલીસે કડકાઈથી પૂછપરછ કરતાં શખાવતે તરત જ ગુનો કબૂલી લીધો અને આખી ઘટના કહી હતી.

શિમુએ એક્ટિંગ કરિયરની શરૂઆત કાઝી હયાતની `પ્રેઝન્ટ`થી કરી હતી. ત્યાર બાદ તેણે દેલવર ઝહાં, ચાશી નઝરુલ ઈસ્લામ, શરીફ ઉદ્દીન ખાન સહિત વિવિધ ડિરેક્ટર્સની ફિલ્મમાં કામ કર્યું છે. 1998થી 2004 સુધી શિમુએ અંદાજે 25 ફિલ્મમાં કામ કર્યું હતું. તેણે 50થી વધુ નાટકમાં કામ કર્યું હતું. તેણે પ્રાઇવેટ ટીવી ચેનલના માર્કેટિંગ ડિપાર્ટમેન્ટમાં પણ કામ કર્યું હતું. શિમુનું પોતાનું પ્રોડક્શન હાઉસ પણ હતું.

20 January, 2022 01:46 PM IST | Mumbai | Gujarati Mid-day Online Correspondent

અન્ય લેખો

ઈન્ટરનેશનલ સમાચાર

સ્પૅમ બોટ્સ મામલે ટ્‌વિટરને મસ્કનું અલ્ટિમેટમ

જ્યાં સુધી તેઓ એમ નહીં કરે ત્યાં સુધી આ ડીલ આગળ નહીં વધી શકે.’ મસ્કને શંકા છે કે ટ્‌વિટર પર ઓછામાં ઓછા ૨૦ ટકા અકાઉન્ટ્સ સ્પૅમ બોટ્સ કે ફેક છે. 

18 May, 2022 09:26 IST | Washington | Agency
ઈન્ટરનેશનલ સમાચાર

એલિઝાબેથ બૉર્ન ફ્રાન્સની બીજી મહિલા વડાપ્રધાન બની, કાસ્ટેક્સનું રાજીનામું મંજુર

એલિઝાબેથ બૉર્ન 2018માં મેક્રોંની મધ્યમાર્ગી પાર્ટીમાં સામેલ થઈ. મેક્રોંની પહેલી સરકારમાં તે પહેલા પરિવહન મંત્રી અને પછી પર્યાવરણ મંત્રી હતાં.

17 May, 2022 06:02 IST | Mumbai | Gujarati Mid-day Correspondent
ઈન્ટરનેશનલ સમાચાર

મોદીએ નેપાલના પ્રવાસમાં ચીને બનાવેલા ઍરપોર્ટ પર પગ ન મૂક્યો

બન્ને દેશો વચ્ચે સાંસ્કૃતિક બાબતો અને શિક્ષણના ક્ષેત્રે સહકાર માટે છ સમજૂતી કરાર પર હસ્તાક્ષર કરવામાં આવ્યા

17 May, 2022 09:07 IST | Lumbini | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK