Fire in Bangladesh: બાંગ્લાદેશની રાજધાની ઢાકાની સૌથી મોટી ઝૂંપડપટ્ટી કોરેલમાં મંગળવારે સાંજે આગ ફાટી નીકળી હતી, જેમાં 1,500 થી વધુ ઘરો બળીને ખાખ થઈ ગયા હતા. હજારો લોકો બેઘર થઈ ગયા. આગને ઓલવવામાં 16 કલાકથી વધુ સમય લાગ્યો હતો.
કોરેલ ઝૂંપડપટ્ટીમાં આગ (તસવીર સૌજન્ય: સોશિયલ મીડિયા)
બાંગ્લાદેશની રાજધાની ઢાકાની સૌથી મોટી ઝૂંપડપટ્ટી કોરેલમાં મંગળવારે સાંજે આગ ફાટી નીકળી હતી, જેમાં 1,500 થી વધુ ઘરો બળીને ખાખ થઈ ગયા હતા. હજારો લોકો બેઘર થઈ ગયા હતા, જેમાં ગર્ભવતી સ્ત્રીઓ અને બાળકો સહિત ઘણા લોકોએ ઘરની બહાર ઠંડીમાં રાત વિતાવી હતી. ઢાકા મેટ્રોપોલિટન નોર્થ કમિટી ખોરાકનું વિતરણ કરી રહી છે. જમાત-એ-ઇસ્લામી અને આલો હેલ્થ ક્લિનિકે દવા અને સારવાર પૂરી પાડી હતી. ઘણી સગર્ભા સ્ત્રીઓને હોસ્પિટલમાં લઈ જવામાં આવી હતી, જેમાંથી એકે ગુરુવારે સવારે બાળકને જન્મ આપ્યો હતો.
ADVERTISEMENT
ફાયર બ્રિગેડના અધિકારી રાશેદ બિન ખાલિદે સ્થાનિક મીડિયાને જણાવ્યું હતું કે મંગળવારે સાંજે શરૂ થયેલી આગ બુધવારે બપોર સુધીમાં કાબૂમાં આવી ગઈ હતી. આગને ઓલવવામાં 16 કલાકથી વધુ સમય લાગ્યો હતો.
Aerial views of Korail are devastating, describing the impact in the lives of children and families.@UNICEF is deeply concerned with the effect of the fire that yesterday destroyed thousands of houses in Korail, in central Dhaka. pic.twitter.com/gqetAA3bXC
— UNICEF Bangladesh (@UNICEFBD) November 26, 2025
ઢાકા ટ્રિબ્યુન અનુસાર, આગ રસોઈ ગેસ સિલિન્ડર ફાટવાથી લાગી હતી. વિસ્તાર સાંકડો હોવાથી, આગ એક ઘરથી બીજા ઘરમાં ઝડપથી ફેલાઈ ગઈ. સાંકડી ગલીઓના કારણે ફાયર બ્રિગેડના વાહનો અંદરના ભાગમાં પહોંચી શક્યા નહીં.
આના કારણે આગ કાબુમાં લેવામાં વિલંબ થયો. કોરેલ વસાહત 160 એકરમાં ફેલાયેલી છે અને તેમાં આશરે 80,000 લોકો રહે છે. ઘાયલો અને મૃતકોની સંખ્યા હજી સુધી જાણી શકાઈ નથી.
કોરેલ ઝૂંપડપટ્ટીમાં અગાઉ 2017 માં ભયાનક આગ લાગી હતી. "પછી બધું જ નાશ પામ્યું. મારા પતિની નાની ખાદ્ય દુકાન પણ બળીને ખાખ થઈ ગઈ," સ્થાનિક જહાંઆરા બીબીએ રડતા રડતા કહ્યું.
બીજા એક પીડિત, અલીમે કહ્યું, "મારી નજર સામે બધું બળીને રાખ થઈ ગયું. હું કંઈ કરી શકતો ન હતો. હવે મારું મન મૂંઝવણમાં છે કે આગળ શું કરવું." અહીં, લોકો આખી રાત તેમના પરિવારો સાથે ઠંડા, ખુલ્લા આકાશમાં, તેમના બળી ગયેલા ઝૂંપડાઓની સામે બેઠા હતા.
રાહત પ્રયાસો શરૂ કરવામાં આવ્યા છે
ઢાકા મેટ્રોપોલિટન નોર્થ કમિટી ખોરાકનું વિતરણ કરી રહી છે. જમાત-એ-ઇસ્લામી અને આલો હેલ્થ ક્લિનિકે દવા અને સારવાર પૂરી પાડી હતી. ઘણી સગર્ભા સ્ત્રીઓને હોસ્પિટલમાં લઈ જવામાં આવી હતી, જેમાંથી એકે ગુરુવારે સવારે બાળકને જન્મ આપ્યો હતો.
હાલમાં, હૉન્ગકૉન્ગના તાઈ પો જિલ્લામાં ૩૫ માળના એક રેસિડેન્શિયલ કૉમ્પ્લેક્સમાં આગ લાગી હતી. એક બિલ્ડિંગમાં લાગેલી આગ જોતજોતાંમાં આસપાસનાં ૭ બિલ્ડિંગોમાં ફેલાઈ ગઈ હતી. આ કૉમ્પ્લેક્સમાં લગભગ ૨૦૦૦ ઘરો છે જેમાં ૪૮૦૦ લોકો રહે છે. આગ લાગવાનું મૂળ કારણ હજી જાણી શકાયું નથી. ફાયર-ફાઇટરોની ટીમ લગભગ ૩ કલાકની જહેમત પછી માત્ર એક જ બિલ્ડિંગની આગ ઓલવી શક્યા હતા. આગમાં ૧૩ લોકોનાં મૃત્યુ થયાં હતાં અને ૧૫ લોકો ઘાયલ થયા હતા. હજારો લોકોને સ્થળાંતરિત કરવામાં આવ્યા હતા. મોડી રાત સુધી આગ પર કાબૂ મેળવી શક્યો નહોતો.
