“પાકિસ્તાની કાશ્મીર જેવું કઈ નથી…”: ભારતીય દૂતાવાસે ન્યૂ યૉર્ક ટાઈમ્સની ટીકા કરી

ભારતની પ્રતિક્રિયા ન્યૂ યૉર્ક ટાઈમ્સ રિપોર્ટ બાદ આવી છે જેમાં પાકિસ્તાનના કબજા હેઠળના કાશ્મીરમાં તાજેતરની અશાંતિ અને સ્થાનિક ચૂંટણીઓની ચર્ચા કરવામાં આવી હતી. રિપોર્ટ મુજબ, મીરપુરમાં સુરક્ષા દળો અને જોઈન્ટ આવામી ઍક્શન કમિટીના સભ્યો વચ્ચે અથડામણ થઈ હતી

ભારતીય દૂતાવાસે કરેલું ટ્વિટ

ભારતે અમેરિકન અખબાર ધ ન્યૂ યૉર્ક ટાઈમ્સ દ્વારા પાકિસ્તાન કબજા હેઠળના કાશ્મીર (PoK) ને ‘પાકિસ્તાની કાશ્મીર’ તરીકે ઉલ્લેખ કરવા સામે સખત વાંધો ઉઠાવ્યો છે. ભારતે સ્પષ્ટપણે જણાવ્યું હતું કે "`પાકિસ્તાની કાશ્મીર` નામની કોઈ જગ્યા નથી; ફક્ત પાકિસ્તાન કબજા હેઠળનું કાશ્મીર છે."

ભારતીય દૂતાવાસે વાંધો ઉઠાવ્યો

ADVERTISEMENT

અમેરિકામાં સ્થિત ભારતીય દૂતાવાસે તાજેતરમાં પ્રકાશિત ન્યૂ યૉર્ક ટાઈમ્સ અહેવાલની હેડલાઇન સામે વાંધો નોંધાવ્યો હતો. દૂતાવાસે જણાવ્યું હતું કે આવી પરિભાષા ‘ભ્રામક અને ખોટી’ છે. સોશિયલ મીડિયા પ્લેટફોર્મ X પર લખતા, દૂતાવાસે જણાવ્યું હતું કે, "`પાકિસ્તાની કાશ્મીર` નામની કોઈ જગ્યા નથી; ફક્ત પાકિસ્તાન કબજા હેઠળનું કાશ્મીર છે." ભારતના લાંબા સમયથી ચાલતા અને સ્પષ્ટ વલણને પુનરાવર્તિત કરતા, દૂતાવાસે પુષ્ટિ આપી હતી કે "જમ્મુ અને કાશ્મીર અને લદ્દાખ કેન્દ્રશાસિત પ્રદેશો ભારતનો અભિન્ન અને અવિભાજ્ય ભાગ હતા, છે અને હંમેશા રહેશે." ભારતીય દૂતાવાસે એવો પણ આરોપ લગાવ્યો હતો કે પાકિસ્તાન આ પ્રદેશોના કેટલાક ભાગો પર ગેરકાયદેસર કબજો ધરાવે છે અને કબજા હેઠળના વિસ્તારોના લોકો સામે હિંસાનો ઉપયોગ કરવાનું ચાલુ રાખે છે.

ન્યૂ યૉર્ક ટાઈમ્સ રિપોર્ટ બાદ પ્રતિક્રિયા

Misleading and incorrect headline by @nytimes. There is no Pakistani Kashmir, only Pakistan occupied Kashmir.

The Union Territories of Jammu & Kashmir and Ladakh, have been, are and will always remain an integral and inalienable part of India. Pakistan has illegally occupied…

— India in USA (@IndianEmbassyUS) July 29, 2026

ભારતની પ્રતિક્રિયા ન્યૂ યૉર્ક ટાઈમ્સ રિપોર્ટ બાદ આવી છે જેમાં પાકિસ્તાનના કબજા હેઠળના કાશ્મીરમાં તાજેતરની અશાંતિ અને સ્થાનિક ચૂંટણીઓની ચર્ચા કરવામાં આવી હતી. રિપોર્ટ મુજબ, મીરપુરમાં સુરક્ષા દળો અને જોઈન્ટ આવામી ઍક્શન કમિટીના સભ્યો વચ્ચે અથડામણ થઈ હતી. આ સંગઠન કથિત પોલીસ અતિરેકનો વિરોધ કરી રહ્યું હતું. અમેરિકન અખબારે અહેવાલ આપ્યો છે કે અથડામણ દરમિયાન ગોળીબારમાં ઓછામાં ઓછા બે લોકો માર્યા ગયા છે. રિપોર્ટમાં એ પણ નોંધ્યું છે કે પાકિસ્તાનના માનવ અધિકાર પંચે આ મૃત્યુની નિષ્પક્ષ તપાસની માગ કરી છે.

ચૂંટણી પ્રક્રિયા પર અસર

ન્યૂ યૉર્ક ટાઈમ્સ રિપોર્ટમાં જણાવાયું છે કે ઘણા અઠવાડિયાથી ચાલી રહેલી અશાંતિના કારણે અનેક મૃત્યુ થયા છે અને તેની પ્રદેશમાં ચૂંટણી પ્રક્રિયા પર પણ અસર પડી છે. રિપોર્ટમાં જોઈન્ટ આવામી ઍક્શન કમિટીના દાવાનો પણ ઉલ્લેખ કરવામાં આવ્યો છે કે પોલીસ સાથેની અથડામણમાં તેના ઘણા સભ્યો મૃત્યુ પામ્યા છે. જોકે, અખબારે સ્પષ્ટતા કરી હતી કે આ દાવાઓ સ્વતંત્ર રીતે ચકાસી શકાતા નથી, કે તેમની સત્તાવાર પુષ્ટિ કરવામાં આવી નથી. ભારતે પોતાના વલણનો પુનરાવર્તિત કર્યો છે. ભારતે ફરી એકવાર સ્પષ્ટતા કરી છે કે તેનો સમગ્ર જમ્મુ અને કાશ્મીર પ્રદેશ પર સાર્વભૌમ અધિકાર છે. ભારતનો દાવો છે કે જમ્મુ-કાશ્મીર અને લદ્દાખ કેન્દ્રશાસિત પ્રદેશો દેશના અભિન્ન અને અવિભાજ્ય ભાગો છે.