28 માર્ચના રોજ મ્યાનમારમાં આવેલા શક્તિશાળી ભૂકંપમાં બેંગકોકમાં નિર્માણાધીન એક ગગનચુંબી ઈમારત ધરાશાયી થઈ. ભૂકંપની તીવ્રતા 7.7 માપવામાં આવી હતી, જેની ઊંડાઈ 10 કિમી હતી. ભૂકંપનું કેન્દ્ર મ્યાનમારના બીજા સૌથી મોટા શહેર મંડાલેથી 17.2 કિમી દૂર હતું, જેમાં 1.5 મિલિયન લોકો હતા. ભૂકંપ આવ્યા બાદ યાંગૂન અને બેંગકોકમાં લોકો ગભરાઈને ઇમારતોમાંથી બહાર દોડી આવ્યા હતા. અહેવાલ અનુસાર સેંકડો લોકો ઇમારતો છોડીને ભાગી રહ્યા છે અને મધ્ય બેંગકોકમાં શેરીઓમાં ભીડ કરી રહ્યા છે. ભૂકંપને કારણે મ્યાનમારના બીજા સૌથી મોટા શહેર મંડાલેમાં ઘણી ઇમારતો તૂટી પડી હતી. બેંગકોકમાં ભૂકંપ દરમિયાન એક નિર્માણાધીન ગગનચુંબી ઈમારત તૂટી પડી હતી અને ઇમારતો ધ્રુજી ઉઠી હતી. ભૂકંપ અને બેંગકોકમાં થયેલા નુકસાનને પગલે શેરબજારમાં વેપાર બંધ કરવામાં આવ્યો હતો. ભૂકંપને કારણે વ્યાપક ગભરાટ ફેલાયો હતો અને યાંગૂન અને બેંગકોક બંનેની શેરીઓમાં ઘણા લોકો જોવા મળ્યા હતા.
