રોજ સંધ્યાકાળે ૬૦૦૦થી વધુ યુવાનો ઋષભ સંભવ જૈન ભક્તિગીતોની ધૂન બોલાવતા હતા.
પરમ પૂજ્ય ઉપાધ્યાય શ્રી વિનીતસાગરજી મહારાજસાહેબ
મુંબઈના આઝાદ મેદાનમાં મંગળવારથી ગુરુવાર સુધી પરમ પૂજ્ય ઉપાધ્યાય શ્રી વિનીતસાગરજી મહારાજસાહેબનો આચાર્ય પદવી મહોત્સવ આત્મતત્ત્વ ઉત્સવમાં પરિવર્તિત થઈ ગયો હતો. આ ઉત્સવમાં ૩૦૦થી વધુ સાધુ-સાધ્વીજી, તપાગચ્છ, અચલગચ્છ સહિત ૧૫ સમુદાયના આચાર્ય ભગવંત અને ૨૦,૦૦૦થી વધુ શ્રાવકો-શ્રાવિકાઓ હાજર રહ્યાં હતાં. ૩૯,૦૦૦થી વધુ ભાવિકોએ ઑનલાઇન પ્રસંગમાં હાજરી આપી હતી.
આ પ્રસંગની વિશેષતા એ હતી કે ત્રણ દિવસમાં ૩૬૦ મહિલા મંડળોની ૩૮૦૦ શ્રાવિકાઓ પીળાં, લાલ અને સફેદ વસ્ત્રો પરિધાન કરીને આચાર્ય પદવી મહાસાંજીની ઉજવણી કરવા એકત્રિત થઈ હતી. સૂરિ મંત્ર મહાપૂજનમાં ૧૧૦૦ પરિવાર એકસાથે પૂજાનાં પીળાં વસ્ત્રોમાં હાજર થયા ત્યારે વાતાવરણ ભવ્ય બની ગયું હતું. સૂરિ મંત્ર ઊર્જા, વેદનાદ અને શાસ્ત્રોચ્ચાર અને ભાવવિભોરતાએ મેદાનને દિવ્યતામાં ફેરવી નાખ્યું હતું. રોજ સંધ્યાકાળે ૬૦૦૦થી વધુ યુવાનો ઋષભ સંભવ જૈન ભક્તિગીતોની ધૂન બોલાવતા હતા.
