લાતુરના ખેડૂત પરિવારને આ વખતે મળશે તેમની પસંદગીનો બળદ
ફાઇલ તસવીર
મહારાષ્ટ્રના લાતુર જિલ્લામાં વીજળી પડવાથી બળદ ગુમાવ્યા બાદ પત્નીને હળે જોતરવા મજબૂર બનેલા ખેડૂત કાશીનાથ ગાયકવાડનો મામલો ફરી એક વાર ચર્ચામાં આવ્યો છે. બે દિવસ પહેલાં જ સોશ્યલ મીડિયા પર વિડિયો વાઇરલ થયા બાદ સરકારે ત્વરિત કાર્યવાહી કરીને આ પરિવારને એક બળદ ભેટ આપ્યો હતો. જોકે આ બળદ ખેતીકામ માટે અક્ષમ સાબિત થતાં હવે મુખ્ય પ્રધાન દેવેન્દ્ર ફડણવીસે પોતે ફરી હસ્તક્ષેપ કરીને ખેડૂત દંપતીને બજારમાંથી તેમની જ પસંદગીનો બીજો નવો અને તંદુરસ્ત બળદ ખરીદી આપવાનો આદેશ આપ્યો છે. મુખ્ય પ્રધાન દેવેન્દ્ર ફડણવીસે શુક્રવારે આ વિશેની જાહેરાત કરતાં જણાવ્યું હતું કે મેં લાતુરના જિલ્લા-કલેક્ટરને સૂચના આપી છે કે તેઓ પોતે ખેડૂત દંપતીને પશુબજારમાં લઈ જાય અને તેમને જે બળદ ગમે એ સરકારી ખર્ચે ખરીદી આપે.
