મિસિંગ લિન્કના ફર્સ્ટ ફેઝમાં એટલે કે પહેલી મેથી ૩૧ ઑક્ટોબર સુધી ફક્ત લાઇટ મોટર વ્હીકલ્સને જ ટનલમાં પ્રવેશની પરવાનગી આપી છે
ગુરુવારે થયેલા અકસ્માતનું CCTV ફૂટેજ, જેના પગલે કાર્યવાહી કરવામાં આવી.
મુંબઈ-પુણે મિસિંગ લિન્કની ટનલમાં ગુરુવારે થયેલા જીવલેણ અકસ્માત બાદ મહારાષ્ટ્ર સ્ટેટ રોડ ડેવલપમેન્ટ કૉર્પોરેશન (MSRDC) અને હાઇવે પોલીસે સાથે મળીને ઇન્સ્પેક્શન કર્યું હતું અને હવે અકસ્માત ટાળવા એ રૂટ પરની ચારેય ટનલમાં સ્પીડ મૉનિટરિંગ કૅમેરા બેસાડવાનો નિર્ણય લેવામાં આવ્યો છે. તેમનું કહેવું છે કે મોટરિસ્ટો સ્પીડ-લિમિટનું પાલન નથી કરતા અને ટ્રાફિકના નિયમોનો ભંગ કરે છે એટલે અકસ્માત થાય છે. હવે તેમની સ્પીડ મૉનિટર કરી શકાય એવા આધુનિક સ્પીડ મૉનિટરિંગ CCTV કૅમેરા બેસાડવામાં આવશે જેનાથી તેમના પર નજર રાખી શકાશે.
ટેમ્પો કઈ રીતે પ્રવેશ્યો?
મિસિંગ લિન્કના ફર્સ્ટ ફેઝમાં એટલે કે પહેલી મેથી ૩૧ ઑક્ટોબર સુધી ફક્ત લાઇટ મોટર વ્હીકલ્સને જ ટનલમાં પ્રવેશની પરવાનગી આપી છે, ગુડ્સ વ્હીકલ્સને બૅન છે તો ગુરુવારે એ ટેમ્પો ટનલમાં કઈ રીતે પ્રવેશ્યો એની પણ તપાસ થઈ રહી છે.
ADVERTISEMENT
- અર્ચના દહીવાલ
