કલ્યાણની એક ક્લિનિકની રિસેપ્શનિસ્ટ મહિલા પર હુમલા કરવાના કેસનો એક નવો વીડિયો સામે આવ્યો છે, જે 21 જુલાઈની સાંજે બનેલી ઘટના પર વધુ પ્રકાશ પાડે છે. નવા વીડિયોમાં ક્લિનિકમાં વિવાદ દરમિયાન રિસેપ્શનિસ્ટ આરોપી ગોપાલ ઝાની ભાભીને થપ્પડ મારતી દેખાઈ રહી છે.
વાયરલ વીડિયોમાંથી સ્ક્રીન શૉટ (તસવીર: સોશિયલ મીડિયા)
થાણે જિલ્લાના કલ્યાણ શહેરમાં એક મહિલાને માર મારવામાં આવ્યો હોવાની ઘટના બની હતી. જેને લઈને આરોપીની ધરપકડ કરવામાં આવી અને તે આ પહેલા પણ ગુના કરવા માટે જેલમાં હતો અને જમીન પર બહાર આવ્યો હોવાનું સામે આવ્યું હતું. જોકે આ કેસમાં વધુ એક નવી ટ્વિસ્ટ આવ્યો હોવાના સમાચાર છે. ઘટનાનો એક નવો વીડિયો સામે આવ્યો છે, જે આ ઘટના બન્યા પહેલા શું બન્યું તે બતાવવામાં આવ્યું છે.
કલ્યાણની એક ક્લિનિકની રિસેપ્શનિસ્ટ મહિલા પર હુમલા કરવાના કેસનો એક નવો વીડિયો સામે આવ્યો છે, જે 21 જુલાઈની સાંજે બનેલી ઘટના પર વધુ પ્રકાશ પાડે છે. નવા વીડિયોમાં ક્લિનિકમાં વિવાદ દરમિયાન રિસેપ્શનિસ્ટ આરોપી ગોપાલ ઝાની ભાભીને થપ્પડ મારતી દેખાઈ રહી છે. આ નવા વીડિયોએ આ ઘટનામાં એક નવું પરિમાણ ઉમેર્યું છે, જેમાં શરૂઆતમાં CCTV ફૂટેજમાં કલ્યાણના નંદિવલી વિસ્તારમાં એક ખાનગી હૉસ્પિટલમાં ગોપાલ ઝા રિસેપ્શનિસ્ટ પર હિંસક હુમલો કરતા જોવા મળ્યા બાદ લોકોનો રોષ ફેલાયો હતો. રિસેપ્શનિસ્ટે તેને ડૉક્ટરને મળવા માટે પ્રવેશ નકાર્યા બાદ આ હુમલો થયો હોવાનું કહેવાય છે, જે તે સમયે બીજા દર્દીની સારવાર કરી રહ્યા હતા.
ADVERTISEMENT
Half-baked headline:
— ShoneeKapoor (@ShoneeKapoor) July 23, 2025
A receptionist girl beaten up by a Guy in Kalyan MH.
Real uncut footage:
She slapped a family member first.
Half-cut video? Extended footage? pic.twitter.com/jHfw5JmMbv
પ્રારંભિક વીડિયોમાં ગોપાલ ઝા મહિલાને લાત-મુક્કો મારતા, વાળ ખેંચતા અને વારંવાર હુમલો કરતા જોવા મળ્યો હતો. રિસેપ્શનિસ્ટને ગંભીર ઈજાઓ થઈ હતી અને હાલમાં તે જાનકી હૉસ્પિટલમાં સારવાર લઈ રહી છે. તેની સંભાળ રાખતા ડૉ. મોઈન શેખે તેના ગળા, પગ અને છાતીમાં ઈજાઓ નોંધાવી હતી, અને ચિંતા વ્યક્ત કરી હતી કે તે ઈજાની હદને કારણે આંશિક લકવાગ્રસ્ત થઈ શકે છે.
ગોપાલ ઝા તરીકે ઓળખાતા આરોપીનો અગાઉ ગુનાહિત રેકોર્ડ હોવાનું જાણવા મળ્યું છે. મહારાષ્ટ્ર નવનિર્માણ સેના (MNS) ના નેતાઓ ડેપ્યુટી મેયર યોગેશ ગવંહે અને દીપક કરંડે દ્વારા તાત્કાલિક કાર્યવાહી કરવામાં આવતા ઝાને અંબરનાથના નેવાલી વિસ્તારમાંથી પકડી લેવામાં આવ્યો. વધુ તપાસ માટે તેને ડોમ્બિવલીના માનપાડા પોલીસ સ્ટેશનને સોંપવામાં આવ્યો હતો.
ગોકુલના ભાઈ રણજીત ઝાને પણ કસ્ટડીમાં લેવામાં આવ્યા છે. ગોકુલ પાસે કલ્યાણના ઉલ્હાસનગરના કોલસેવાડી વિસ્તારમાં લૂંટ અને હુમલાના કેસોનો અગાઉનો રેકોર્ડ છે. તેના પર સ્થાનિક ફેરિયાઓ પાસેથી પૈસા પડાવવાનો પણ આરોપ છે. ડેપ્યુટી કમિશનર ઓફ પોલીસ અતુલ ઝેન્ડેએ જણાવ્યું હતું કે કલ્યાણ કોર્ટમાં હાજર થયા બાદ આરોપીઓને યોગ્ય સજા મળે તે માટે વધુ પૂછપરછ કરવામાં આવશે.
માનપાડા પોલીસે આપેલી માહિતી મુજબ શ્રી બાળ ચિકિત્સાલય નામના પ્રાઇવેટ ક્લિનિકમાં રિસેપ્શનિસ્ટ તરીકે કામ કરતી સોનાલી કાલાસરેએ આરોપીને કહ્યું હતું કે ડૉક્ટર મેડિકલ રીપ્રેઝન્ટેટિવ સાથે વાત કરી રહ્યા છે. એથી તેને બહાર રાહ જોવા કહ્યું હતું, પરંતુ નશાની હાલતમાં આરોપી જબરદસ્તી ડૉક્ટરની કૅબિનમાં ઘૂસવા જતો હતો ત્યારે રિસેપ્શનિસ્ટે તેને રોક્યો હતો. ગુસ્સે ભરાયેલા આરોપીએ રિસેપ્શનિસ્ટને મોઢા પર માર્યું હતું. નીચે પટકીને તેની છાતીમાં લાત મારી હતી અને તેને ખેંચીને બહાર લઈ જતાં તેનાં કપડાં પણ ફાડી નાખ્યાં હતાં.
