કાંદિવલી (પૂર્વ) ના ઠાકુર ગામની રહેવાસી યશ નિરૂપમ તિવારી નામથી નોંધાયેલ એસયુવી, ભીડભાડવાળા રસ્તા પર ઝડપથી દોડતી જોવા મળી હતી. આ સાથે દારૂના નશામાં છોકરીઓ પસાર થતા લોકો પર બૂમો પાડી રહી હતી અને ટ્રાફિક નિયમોનું ઉલ્લંઘન કરી રહી હતી.
વાયરલ વીડિયોમાંથી સ્ક્રીન શૉટ (તસવીર: સોશિયલ મીડિયા)
મુંબઈના રસ્તાઓ પર બેદરકારીભર્યા વર્તનના વધુ એક ભયાનક કિસ્સામાં, બુધવારે મોડી રાત્રે કાંદિવલીમાં કેટલાક યુવાનો ખતરનાક સ્ટંટ કરતા જોવા મળ્યા હતા. ત્રણ યુવતીઓ મહિન્દ્રા એસયુવીના સનરૂફ પર ડાન્સ કરતી જોવા મળી હતી, જ્યારે એક પુરુષ ડ્રાઇવરના બાજુની સીટની વિન્ડોમાંથી ખતરનાક રીતે બહાર લટકતો જોવા મળ્યો હતો. આવી બેદરકારીથી તેણે પોતાનો જીવ અને રસ્તા પરના અન્ય લોકોની સલામતી બન્ને જોખમમાં મુકી હતી. ઘટનાને લઈને હવે મુંબઈ ટ્રાફિક પોલીસ દ્વારા પણ આ અંગે પ્રતિક્રિયા આપવામાં આવી છે.
પ્રત્યક્ષદર્શીઓએ આ ઘટનાનો વીડિયો રેકોર્ડ કર્યો હતો, જે ઝડપથી સોશિયલ મીડિયા પર ફેલાઈ ગયો હતો. કાંદિવલી (પૂર્વ) ના ઠાકુર ગામની રહેવાસી યશ નિરૂપમ તિવારી નામથી નોંધાયેલ એસયુવી, ભીડભાડવાળા રસ્તા પર ઝડપથી દોડતી જોવા મળી હતી. આ સાથે દારૂના નશામાં છોકરીઓ પસાર થતા લોકો પર બૂમો પાડી રહી હતી અને ટ્રાફિક નિયમોનું ઉલ્લંઘન કરી રહી હતી.
ADVERTISEMENT
ટ્રાફિક પોલીસે વાયરલ વીડિયોનો જવાબ આપ્યો
વાયરલ વીડિયોના જવાબમાં મુંબઈ ટ્રાફિક પોલીસે જણાવ્યું હતું કે, "અમે જરૂરી કાર્યવાહી માટે કાંદિવલી ટ્રાફિક વિભાગને જાણ કરી છે," અને પુષ્ટિ આપી હતી કે તેઓએ આ બાબતની નોંધ લીધી છે.
વધુ એક ઘટનામાં ટ્રાફિક પોલીસની કાર્યવાહી
મુંબઈના બાન્દ્રા-વરલી સી લિંક પર ખતરનાક સ્ટંટ કરવા બદલ ગાયક યાસીર દેસાઈ અને અન્ય બે સામે ગુનો નોંધવામાં આવ્યો હતો. આ ઘટનાની લોકો તરફથી તીવ્ર ટીકા થઈ છે, ખાસ કરીને ગાયક-ગીતકાર યાસીર દેસાઈ સાથે જોડાયેલા આવા જ એક કેસના થોડા અઠવાડિયા પછી. 8 જુલાઈના રોજ, બાન્દ્રા પોલીસે દેસાઈ અને બે સાથીઓ વિરુદ્ધ બાન્દ્રા-વરલી સી લિંક પર જીવલેણ સ્ટંટ કરવા બદલ કેસ નોંધ્યો હતો. દેસાઈ પુલની ધાર પર ઉભા જોવા મળ્યા હતા જ્યારે બે અન્ય લોકો તેમનું વીડિયો બનાવી રહ્યા હતા.
પોલીસના જણાવ્યા અનુસાર, સી લિંકના સીસીટીવી ફૂટેજમાં સવારે 6 વાગ્યાની આસપાસ દેસાઈ બે અન્ય લોકો સાથે કારમાં આવતા દેખાઈ રહ્યા હતા. ત્રણેયે પુલની વચ્ચે પોતાનું વાહન રોક્યું હતું, અને દેસાઈ રેલિંગ પર ચઢી ગયો હતો જ્યારે અન્ય લોકોએ આ કૃત્ય રેકોર્ડ કરી હતી. તેઓ થોડીવાર પછી સ્થળ પરથી ચાલ્યા ગયા હતા, પરંતુ વાહનચાલકો અને ચિંતિત નાગરિકો દ્વારા સોશિયલ મીડિયા પર શૅર કરવામાં આવ્યા બાદ આ વીડિયો ટૂંક સમયમાં વાયરલ થઈ ગયો હતો.
View this post on Instagram
દેસાઈ પર ભારતીય ન્યાય સંહિતાની અનેક કલમો હેઠળ ગુનો નોંધવામાં આવ્યો હતો, જેમાં કલમ ૧૨૫ (બીજાઓના જીવન અથવા વ્યક્તિગત સલામતીને જોખમમાં મૂકતો કાયદો), ૨૮૫ (જાહેર માર્ગમાં જોખમ અથવા અવરોધ), અને ૨૮૧ (બેફામ વાહન ચલાવવું), તેમજ મોટર વાહન અધિનિયમ હેઠળ ખતરનાક વાહન ચલાવવાની જોગવાઈઓનો સમાવેશ થાય છે. પોલીસ હજુ પણ દેસાઈ અને તેના સાથીઓને શોધી રહી છે, જેઓ હજી પણ ફરાર છે.
