Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


App banner App banner
હોમ > સમાચાર > મુંબઈ સમાચાર > આર્ટિકલ્સ > વાહનના મનગમતા નંબર માટે કોલ્હાપુરવાસીઓએ વેર્યા ૧૯ કરોડ રૂપિયા

વાહનના મનગમતા નંબર માટે કોલ્હાપુરવાસીઓએ વેર્યા ૧૯ કરોડ રૂપિયા

Published : 21 November, 2026 08:13 AM | Modified : 21 November, 2026 08:14 AM | IST | Kolhapur
Gujarati Mid-day Correspondent | feedbackgmd@mid-day.com

ફૅન્સી નંબર-પ્લેટ મેળવવા માટે કોલ્હાપુરના વાહનમાલિકોએ પૈસા ખર્ચીને RTOને ૧૯ કરોડ રૂપિયાનો વધારાની મહેસૂલ મેળવી આપી હતી.

પ્રતીકાત્મક ફાઇલ તસવીર

પ્રતીકાત્મક ફાઇલ તસવીર


પોતાની મનગમતી નંબર-પ્લેટ મેળવવા માટે આ વર્ષે સૌથી વધુ ખિસ્સાં મહારાષ્ટ્રમાં કોલ્હાપુરના લોકોએ ખાલી કર્યાં હોવાનું હાલમાં જ બહાર પાડવામાં આવેલા આંકડાઓ પરથી જાણવા મળ્યું છે. રીજનલ ટ્રાન્સપોર્ટ ઑફિસ (RTO)એ બહાર પાડેલા આંકડાઓ મુજબ કોલ્હાપુરવાસીઓએ આ વર્ષે ૧૯ નવેમ્બર સુધી પોતાને જોઈતી હોય એવી નંબર-પ્લેટ મેળવવા માટે ૧૯ કરોડ રૂપિયા ખર્ચીને RTOની તિજોરી ભરી છે. ટૂ-વ્હીલર અને ફોર-વ્હીલરના માલિકોને પોતાના વાહન પ્રત્યે જેટલો પ્રેમ હોય છે એટલો જ પ્રેમ એની નંબર-પ્લેટ પ્રત્યે હોય છે અને પોતાની મનગમતી નંબર-પ્લેટ રાખવાના શોખ માટે લોકો ગમે એટલા પૈસા ચૂકવવા પણ રાજી હોય છે જેમાં આ વર્ષે પહંલો નંબર કોલ્હાપુરવાસીઓએ મેળવ્યો છે. RTOના આંકડાઓ મુજબ ૨૦૨૬માં કોલ્હાપુરમાં ૧૮,૬૦૦ લોકોએ પોતાનાં વાહનો માટે મનગમતી ફૅન્સી નંબર-પ્લેટ માટે અરજી કરીને એના માટે પૈસા ચૂકવ્યા હતા. ફૅન્સી નંબર-પ્લેટ મેળવવા માટે કોલ્હાપુરના વાહનમાલિકોએ પૈસા ખર્ચીને RTOને ૧૯ કરોડ રૂપિયાનો વધારાની મહેસૂલ મેળવી આપી હતી.

કોલ્હાપુરવાસીઓને ફૅન્સી નંબર-પ્લેટનો ક્રેઝ



કોલ્હાપુરના લોકોમાં આ વર્ષે ફૅન્સી અને પોતાને મનગમતી નંબર-પ્લેટનો ક્રેઝ વધુ જોવા મળ્યો છે. એમાં પણ ખાસ કરીને 6666, 7777, 1111, 2222 અને 4747 આંકડા ધરાવતી નંબર-પ્લેટની સૌથી વધુ માગણી જોવા મળી હતી. અનેક લોકો તો પહેલાં પોતાને ગમતી નંબર-પ્લેટ મળે પછી જ વાહન ખરીદતા હોવાનો ટ્રેન્ડ પણ જોવા મળ્યો છે. 


નંબર-પ્લેટથી ઓળખાય છે કુટુંબ, આવું અનોખું ગામ કોલ્હાપુરનું

ફૅન્સી નંબર-પ્લેટનો મોહ કોલ્હાપુરના પ્રયાગ ચિખલી ગામમાં તો એટલો બધો છે કે ગામમાં કોઈ ૫૦ લાખ રૂપિયાની મોંઘી કાર તો જોવા નહીં મળે, પરંતુ સાવ સામાન્ય ટૂ-વ્હીલરમાં પણ ફૅન્સી નંબર-પ્લેટ જરૂર જોવા મળે છે. પરિસ્થિતિ એવી છે કે ગામમાં વાહન પર લગાવવામાં આવેલી નંબર-પ્લેટથી જ જે-તે વ્યક્તિ કઈ કુટુંબની છે એ ઓળખી જવાય છે.


Whatsapp-channel Whatsapp-channel

21 November, 2026 08:14 AM IST | Kolhapur | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK